放假喇

等O左半個月，終於都又放假喇！

連放3 Days，真係好開心呢！

不過，其實真正休息只係得聽日呢！

之後兩日都有O野要做呢！

不過，只要有假放就得嫁喇！

但放完呢個3 days，又要等多成個月先有得再放喇！

飯局

今日下晝去O左機場個exhibition ！

同小明一齊去呢！

咁即係可以HEA半日！

由2點行到5點半，就搭返免費巴士返尖沙咀LU！

跟住就JOIN埋老公，一齊過九龍灣喇！

因為今日我由澳洲返黎O既表哥請食飯喎！

其實真係唔想幾想去，因為我知因為係去公司旗下酒樓食飯，咁我有員工價85折O麻！

況且我對呢個表哥無咩好感，因為佢細細個就已經蝦我，仲要係我姨媽個仔！

咁阿媽叫到，無理由唔去啦﹗

不過，其實去到只係我O地幾老表聚一聚！

老公同我兩個表弟同大表哥都不知幾好傾！

我兩個表弟仲搞笑，一黎到好大聲咁叫"表姐夫"！

我細表弟仲係咁講"結O左婚O既男人，就.............！"

仲要係咁講"結O左婚O既男人"！

連我大表哥都忍唔住要話佢呢，哈！

真係俾佢O地激死呀！

講真，由細到大，我同兩個表弟，大表哥同表姐感情最好！

宜家大O左，每次見面都好好傾！

但我最估唔到係老公可以同佢O地咁熟囉，哈！

開開心心咁食O左餐飯！

我O地仲約好下個月出黎一齊去BBQ添！

好期待下次我O地幾老表又一齊玩返餐呀！

拜山日

今日係一年一度O既拜山大日子！

舊年因為我兩個表哥都係3-4月結婚，所以推遲到5月先拜山！

但我同老公返O左廣州買O野，所以我O地無去到！

今年點都要去，因為要話俾阿公阿婆知我結O左婚呢！

咁多年拜山都無咩點落雨，今年唔知做咩落大雨！

真係好多年拜山都無試過要冒雨喇！

之後諗住去拜埋阿婆，但由於都幾密雨，所以最後決定唔去！

媽媽佢O地去O左姨媽度打牌，我同老公就去O左成街！

我買O左個袋仔同毛毛披肩做姐妹時用！

之後做姐妹都係用佢O地嫁喇，哈！

兩樣夾埋都唔使100蚊，都叫抵嫁！

好過返深圳買呢！

之後就返屋企LU！

老公宜家O係廳度打緊佢O既街霸呢！

老公話要學識點出絕招喎，哈！

落地開花？！

尋日短週，加上星期五晚打機打到成3點先訓，所以今日都成12點先起身！

跟住老公話想去打枱波，所以就陪佢去玩O下喇！

我O地2點去到個場，但80張枱已經係FULL晒！

輪都要輪成15張枱！

我O地當然無咁傻齋O係O個度等啦！

我O地去O左玩大富翁！

玩到3點半倒就返去睇O下到未喇！

跟住等到4點1終於都有枱！

見到隔離枱成10個O靚仔(我諗都係得15-16歲倒)開一張枱！

仲要5個人分2支CUE！

真係癲到呢............！

而佢O地不斷係度講"學勁子謙啦！"

另外一枱就話要使出落地開花！

O個O下真係笑到呢！

不過自從桌球天王出O左街，真係多O左人去打波！

我諗O的O靚仔想學"勁"子謙！

不過其實識打枱波O既都知，佢O地O的招係無可能O既呢！

打到5點就走人LU，因為係5點前先平O麻！

跟住去O左牛頭角下村食少少O野就返屋企LU！

因為要等飛小姐佢O地上黎打機呢！

飛小姐話要打街霸喎！

打O左1個鐘倒就落樓下打邊爐喇！

打完邊爐仲返我O地屋企打返四圈呢！

老公的新玩具

老公終於都買O左新玩具喇！

就係XBOX喇！

老公星期五買O既，夜晚放工我O地一齊再去買GAME！

我O地總共買O左4隻GAMES！

隻史力加係老公特登買俾我玩O既！

星期五O個晚，食完飯睇埋CUE SIR大結局就開戰喇！

先係打街霸IV！因為老公都係因為呢隻GAME而買XBOX呢！

原來街霸都幾好玩嫁！

仲打到成身出晒汗添，哈！

跟住再打埋史力加！

我同老公足足打O左成4個鐘呢！

不過後遺症就係 -- 我左手隻母指係起O左個水泡嫁！

可能係我玩得太投入喇，哈！

一一易生(11月23日)開心回憶錄-姐妹接新娘遊戲準備篇

黎到11月23日喇！

下晝3點半，我就會同我最愛O既豬豬成為夫妻喇！

朝早6點，Ashlee 好準時黎到我屋企喇！

Ashlee一上到黎，即刻prepare佢O既用具喇！

期間一路傾計，原來Ashlee尋日都有個job，搞到成2點先返到屋企呢！

今朝又要5點起身，由粉嶺出黎藍田！

不過Ashlee好專業，一O的累O既表現都無，仲好專心幫我化妝添！

化到一半倒啦，大約7點半，班姐妹陸陸續續到喇！

佢O地有O的仲未食早餐添呢！

我個妝連SET一半頭，由6點搞到差唔多成8點呢，足足兩個鐘！

化完我之後，就到媽媽化ＬＵ！

班姐妹O係等我STAND BY時，已經好自動自覺去換我為佢O地準備O既姐妹裙喇！

睇O下班姐妹幾咁靚靚！

跟住佢O地就好忙咁準備接新娘遊戲道具喇！

仲出動埋我個馬德鐘表弟添，哈！

相信一班兄弟都有排受LU！

一一易生(11月23日)開心回憶錄-上頭篇

終於都等到11月22日喇！

由聽日開始，我就會成為陳太！

我呢O的跟O的唔跟O的傳統禮儀O既人，都要有上頭儀式O既！

好彩我O既上頭吉時係11點半O姐！

今日幫我上頭O既係以前舊屋O既對面阿婆—李太！

佢好好命嫁，同老公好恩愛，有3個仔女，仲有埋男同女孫添！

李太10點半倒上到黎喇！

李太上黎之前，我已經沖好晒涼，洗埋頭添LU！

佢同媽媽夾手夾腳準備上頭用品！

終於都等到11點半，夠鐘上頭LU！

其實個儀式好快完，但要等對龍鳳燭點完先可以訓呢！

原來上完頭仲有利是收添嫁！

由於要等佢點完，所以阿妹就幫我整指甲喇！

本來諗住出去整嫁，但諗諗O下又唔想！

最後都係買O左指甲油同貼花返黎！

阿妹呢方面好有天份，整得都唔錯嫁！

搞完晒都成2點LU，要去訓O下先喇！

聽朝要5點半起身，因為約O左化妝師Ashlee 6點鐘黎開始化妝呢！

腸胃炎

開心過後總會有O的濕滯O野！

尋晚去牛頭角下村食煲仔飯，仲叫O左個辣酒花螺！

點知今朝就出事！

個肚勁痛同埋肚瀉！

去睇醫生，醫生話係腸胃炎，O的腸同個胃抽筋！

宜家個胃都係好唔舒服！

今日食清O的，希望聽日無事啦！

終於有新電話！

講Ｏ左成年，今日終於都有Ｏ左部新電話喇！

我同老公都係Nokia Ｏ既ＦＡＮＳ，當然新電話都係揀返Nokia啦！

原本想要Nokia 5800 Ｏ既，但驚Touch Screen用唔慣，加上部相機得３２０萬像，所以最後放棄Ｏ左！

我同老公部新電話就係N79喇！

老公Ｏ個部係灰色，我Ｏ個部係白色！

灰色Ｏ個部，係Ｏ係冒險樂園用飛換Ｏ既！

而白色Ｏ個部，就係Ｏ係百老匯買，仲扣埋$100 cash dollar 當$200使添！

每部都跟３個可以換Ｏ既殼！

但啡色Ｏ個個我同老公Ｏ個部都各有一個，即係我Ｏ地可以交換黎換殼Ｏ既即係４個！

Ｏ係冒險樂園換Ｏ個部當然無Ｏ野送啦，不過Ｏ係百老匯買Ｏ既就有多一套叉電套裝送！

仲加埋有隻姆明杯添！

真係好開心呀，終於都有新電話用喇！

不過最開心係可以同老公用埋同一款電話Ｏ麻，哈！

獎金

今日下晝，無端端收到個大信封！

一睇見O個下真係嚇親！

原來個大信封裡面，係裝住賣年糕O既獎金！

放工見到老公，話俾佢知我今日收到獎金！

老公估係$100！

哈，老公太低估我喇！

雖然唔係好多，不過都有二百幾嫁！

真係好，O岩O岩個銀包無港紙，只係得返O岩O岩去完旅行O的人仔！

即係唔使去襟都有錢使，GOOD呀！

一一易生(11月23日)婚禮檢討 - 婚宴場地

婚宴場地：德福美心皇宮 (95分)

揀呢度係因為自己係員工，加上美心有口碑，o野食方面絶對可以放心！ 
服務態度ok，可能佢o地知會有公司人落去掛！
菜單我同事同李經理一齊幫我寫，免加一茶芥，比起就咁join餐平好多！

我o地要o左榮華至富貴廳，全個廳有兩個新娘房，媽咪奶奶一個，我自己一個！

經理李小姐好好人，仲特登幫我訂個新o既油畫架俾我拎去2in1註冊時用！
但李經理因為親戚又係1123結婚，所以搵o左拍佢十幾年o既何經理黎handle我呢個婚宴！

3點半交場俾我o地開始佈置，咁就可以6點開始多人黎時ready好！

小禮物我o地安排o左以上菜形式，o係上翅前上！
酒樓方面都好幫手，幫我o地安排好晒！

o的o野食o的guest都讚好好味，夠熱！
美中不足係嫌上菜過快，呢點有待改善！
埋單時一o的小費都唔使！
美心集團果然係有一定水準！

一一易生(11月23日)婚禮檢討 -- 註冊場地

因為UPLOAD相同打字需時，所以先寫O左婚禮後記先！

因為呢O的婚禮後記係已經一早寫好嫁喇！

註冊場地：2in1 佳偶天成 (100分)

因為２ＩＮ１唔會再有，就寫佢先啦！

我o地book o左城堡o個邊，雖然march in 條路唔算太長，但都已經好夠氣氛！

我o地揀o左新出o既frame做背景！

佢Ｏ地Ｏ既介指枕有４款，我同老公就揀Ｏ左呢款！

由join到完成，每一個staff都好helpful！打電話去問o野態度非常好，無約時間去睇場都好耐心招呼我o地！

MC仲原來係我伴娘個表弟，我o地都係當時先知，佢o既表現唔錯呢！

我o地要求幫我o地整張結婚證書落張證書套度，佢o地都無say no，仲提醒我o地會有少少唔o岩位添！

我o地影相超晒時都無話我o地！

我真係俾足１００分嫁！

不過好可惜係呢個場唔會再有！

能夠Ｏ係度註冊真係好、好、好難忘！

1123 Picasso 即日剪片

結Ｏ左婚都差唔多半年喇！

係時候寫返結婚Ｏ的Ｏ野！

但呢Ｏ的又豈能一時三刻盡錄呢！

先俾當日Ｏ既即日剪片大家睇住先啦！

呢段片，連老公好挑剔Ｏ既ＦＤ都話ＧＯＯＤ！

我同老公都好滿意呢！

證明我Ｏ地無揀錯Picasso做當日攝影！

雖然係貴Ｏ的，但物有所值呢！

 

長隆三日兩夜復活節之旅(20090410) – Day 1 (Part 3)

續前篇………

好彩我o地可以o係園裡面排隊等o姐！

等o左4個字度啦，就可以入場喇！

好彩我o地早o的去排定隊咋，唔係多人到丫！

我o地都叫霸o左個好位！

7點半就準時開場lu！

呢個大馬戲真係ok嫁，唔怪得老公o的fd都話值得去睇啦！

佢o地o的高空動作係無吊威也嫁，睇到都替佢o地驚呀！

唔講咁多，去相先！

個show大約1個半鐘，差唔多9點就晒喇！

好彩出到去搵到架去永成酒店o既免費車，咁又慳返一程的士喇！

返到去都成9點半，咁就去o左酒店隔離間”強記粥”度食dinner喇！

不過由於相機無電，所以無影到相呢！

呢餐食得好飽呀，每pair人100蚊都唔使！

跟住就返酒店沖涼訓覺lu！

因為聽日要7點半起身，趕搭9點9酒店去野生動物園o個班車呢！