三八婦女節-有禮物收

今日係三八婦女節，本來諗住去搵老公女麻女麻飲茶o既，但由於尋晚(應該係今朝)好夜先訓，所以就無去到喇！

而老公亦都約o左佢班舊同學！

因為要上去舊同學新屋兼派帖喎！

我由於太眼訓，所以只係老公去咋！

老公2點鐘出門口，到夜晚8點就返黎喇！

因為媽媽今晚去o左飲，所以老公返黎陪我食飯呢！

呢位舊同學，佢2月中去o左德國公幹！

老公o個時千叮萬囑佢要幫佢買o野！

係咩？！之唔係咪”Milka”朱古力囉！

舊同學仲買o左好大盒返黎添！

搞到其他舊同學好唔抵得喎，因為得佢一個有手信呢，哈！

呢盒就係老公特登叫人買返黎o既Milka朱古力喇！

老公講返，話Yuki同周生講”你睇o下人o地幾細心丫！”

老公話周生o個時係無反應嫁喎，哈！

真係好開心老公一知道有人去德國就一定叫人記得幫佢買o野！

好開心我搵到一個咁細心，咁周到，對我咁好o既老公呢！

呢盒朱古力要同老公一齊食呢！