超開心及Sweet 的一天

今日o既節目其實好普通！

但我同老公都覺得過得好開心同sweet呢！

首先，我同老公去o左九龍灣！

本來想去食牛頭角下村o既生菜魚肉同煎饟三寶，但原來1點佢o地係未開嫁！

所以就去o左茶餐廳度食lunch喇！

我o地食o左盅頭飯，山竹牛肉同牛腩河！

食飽之後就去玩喇！

我同老公去o左打枱波呢！

呢個場好抵，一個鐘只係$33咋！

我同老公打o左3個鐘，$100都唔使！

諗落我都好耐無同老公打過波喇！

因為之前o的場貴o麻，而我又唔係好識，好似好sign錢咁！

老公經過今次，仲話我有進步添，哈！

打完波之後就去冒險樂園！

因為九龍灣呢度有大富翁玩呢！

我o地中o左兩次大富翁！

一次拎o左589個金幣，一次仲拎埋個super jackpot，拎o左1115個金幣！

真係超開心呀！

老公仲話估唔到個super jackpot係會中嫁喎！

今日我o地真係變o左大富翁呀！

玩o左三百幾蚊，就有萬幾張飛喇！

而我仲o係冒險樂園換o左樣o野！

你o地估o下係咩黎o既！

係拉尺黎嫁，仲要係豬豬拉尺！

我可以拎返公司用喇！

唔使成日借小明o既黎用！

我唔識形容我同老公今日o既感覺，只係覺得兩公婆，普普通通咁過一日，都已經覺得好開心，好sweet！

再戰金巴利道

今日飛小姐約o左去free trail試衫！

咁我當然要陪佢去啦！

不過去之前，我同老公先去o左板前壽司食lunch！

我o地未免好似叫得太多咁！

你o地睇o下！

只不過係食個lunch咋喎！

食到我同老公飽到呢！

之飽之後就join埋飛小姐出發lu！

因為費事悶親我o地兩隻佬，所以就叫o左佢o地去打波！

試完呢間，本來想再walk in睇埋飛小姐心目中o既另一間婚紗店！

但佢話無make appointment，even連睇o下o的衫都唔得喎！

So今日只係睇o左一間咋！

我叫飛小姐打去make完appointment，我再陪佢睇多次！

因為我唔想佢後悔呢！

跟住就陪飛小姐去私人胸間睇gridle喇！

因為頭先free trial時個sales話佢個gridle 唔o岩身喎！

不過飛小姐最終gridle就無買到，買o左另一o的o野！

因為我係member，所以幫佢慳o左幾廿蚊！

行完街就去搵我o地隻佬lu！

之後因為林生有事，所以得返我，老公同飛小姐去牛頭角下村食dinner！

食完之後仲上o左我屋企打牌添！

因為飛小姐要等林生黎接佢o麻！

我o地又係玩飲酒，不過今次係一番一啖！

打到12點倒就散band lu，因為佢o地要趕尾班車呢！

生病了

又生病了！

今次鼻塞加咳！

5鐘就早走返去睇醫生LU！

O的同事係咁叫我走，驚死我傳染佢O地咁！

公司媽媽就話快O的去睇醫生，唔係驚我聽日返唔到工！

個鼻係塞得好嚴重呢！

老公仲話我係紅鼻子添！

去睇醫生仲話你個鼻塞得好勁喎！

唔係塞成咁我都唔使黎睇你啦，醫生！

一如以往，開勁多藥俾我食！

一共9包再加1支咳水！

希望食完之後可以快O的好返，唔使夜晚因為抖唔到氣而訓唔到啦！

操守

尋日發生O左O的事！

令到大家都有唔少猜測！

其實已經估到個結果會係咁，但背後原因就只有當事人知！

我個人認為係因為操守問題！

但因為呢個突發事情，令到我好忙！

仲要無端端多O左一個新TASK！

諗落佢O地都真係幾錫我囉，唉.......！

希望真係會講得出做得到啦！

不過呢個咁O既時勢，相信都係講O既居多囉！

復活節之旅-Planning篇

因為一路都好忙，所以未有時間記錄返！

襯今日老公要開OT，等我記返O下先！

O係3月初時，我同老公就籌備呢次旅行！

當初有諗過一係去浸溫泉，一係去玩幾動遊戲，一係去台灣！

經過一輪RESEARCH後，最終都有O左決定喇！

而今次亦都有兩位團友同行，就係林生同未來林太喇！

我同老公不嬲都鐘意自由行，所以今次都唔例外呢！

上個星期五，因為我要開OT，所以老公自己去O左BOOK 酒店同買入場門卷！

因為計過今次THROUGH旅行社BOOK係抵過自己分開買呢！

老公話今次都係由佢搞喎！

唔知老公係咪經過上次HONEYMOON之後搞上癮呢，哈！

我O地會去3日2夜呢！

去邊度暫時賣個關子先，等老公決定好行程先再寫過！

希望今次都好似HONEYMOON咁，盡興而返喇！

老公舊同學出閣

今日係老公舊同學出嫁之日！

我o地兩公婆約埋周生同佢女友一齊下晝去觀禮！

佢o地觀禮o既地點係諾仕佛臺1號o既緣美傳說！

呢度其實幾靚，但個場細o左少少！

連一張大合照都唔夠位影呢！

其實個律師幾搞笑，但佢講o野實在太慢，搞到之後無時間影相！

觀完禮之後，周生女友要返去睇中醫，而戴生又要返屋企，搞到得返我o地兩公婆！

我同老公之後去o左九龍灣行街！

仲買o左樣好得意o既o野添！

每晚都要老公玩o下先得，哈！

我o地仲去o左牛頭角下村添！

經我o地明查暗訪，終於發現到幾間有potential o既大排檔！

等我同老公搵日去試o下先！

我o地仲搵到好出名o既炭燒雞蛋仔檔添！

我o地足足排o左3個字先買到嫁！

不過又真係幾好味！

可惜因為人太多，如果可以再燒耐o的，燶o的會再好食o的！

跟住老公等埋阿Q出黎就去打枱波喇！

佢o地打o左3板，我同阿芹就去買牛頭角下村買煎攘三寶食！

打到8點鐘就走人lu，因為要去淘大鴻星飲呢！

今晚都叫好早有得食，9點3就可以有乳豬食喇！

個場其實真係幾靚，勝在夠高呢！

O的o野食就一般水準，不過不失，但o的餸係嫌唔夠熱！

最特別就係呢味喇！

仲有個甜品都唔錯嫁！係白兔仔綿花糖黎嫁！

佢o地無玩遊戲，所以好早可以散席lu！

不過我o地成枱都座都全部人走晒先開始走！

返到屋企都差唔多12點lu！

在此祝蕭生蕭太新婚快樂，甜甜蜜蜜，三年抱兩！

荷里活廣場遊+愛心晩餐

今日長週呀！

準時1點放工，之後就過O左荷里活廣場喇！

我搭地鐵去到九龍塘時打俾老公，老公話佢O係牛頭角！

大家都係爭三個站到，我O地就玩睇O下邊個快O的會到喇！

結果係我到先呢！

咁即係證明由牛頭角去鑽石山站O既距離係遠O的O既！(哈，真係好無聊，咁都玩得一餐！)

跟住去O左食FOOD COURT！

呢個FOOD COURT裝修完都幾OK嫁！

老公叫Ｏ左個喇叉雞肉米粉俾我食呢！

食飽飽就去玩LU！

玩完老公仲話同我行街添！

我今日買O左1件外套同1SET裙呢！

套裙係返工著O既，件外套就夏天出入冷氣地方著！

之後仲有得抽獎！

我同老公都分別抽到$20飲食禮卷！

佢可以累積使用，最多5張！

咁即係我O地有兩張，可以平$40喇！

玩完就返屋企LU！

今日由我同老公夾手夾腳整晚餐！

呢個豉椒炒蟶子係我整嫁！

呢碟晚餐肉就係老公切O既！

老公話上面係月餅型，下面係年糕型喎！

年糕型係煎O既，月餅型係白灼O既！

仲有燒鵝一碟呢！

今日好開心呀，有得玩，又買到O野，仲有得食添！

Blog 友新婚快樂

其實之前話去觀禮！

但因為佢o地係律師證婚，我o地又無帖喎，去好似好怪咁！

加上地點問題，所以最後都係無去到！

希望blog 友Carman唔好介意啦！

祝你o地白頭到老，永結同心，恩恩愛愛！

新樂園晚餐

今晚媽媽約O左人，所以我同老公放工後要食自己！

我O地又唔想去得遠，所以就揀O左O係樓下食喇！

我O地去O左新樂園食麵呢！

就咁食兩碗麵又唔夠飽，所以叫多碟剩牛腩+牛什！

呢個牛腩真係好味過O岩O岩個星期六O係大利食O個個呢！

雖然簡簡單單，但已經好滿足喇！

部門春茗(09年3月6日@潮樓)

終於都有大會相喇！

不過係我部門春茗！

由於大日子O既大會相要細錄，所以要O的時間整理O下！

唔講咁多，去相！

大會主題，We We Red Red 夜！

我的一班好同事！

(左起：小明，細佬，Law Law，大眼！)

(後排：Ton Ton！)

我公司的一家人(即係同TEAM，不過爭O左師兄，因為佢O個日有事無去到呢！)

(左起：小女子本人，媽媽，小明，大眼！)

Ju 姐要同我飲杯呢！

Ju 姐係咪好似鐘麗緹呢，計我話係索過鐘麗緹啦！

(左起：阿肥，我，Ju姐，大馬師姐！)

抽獎O既獎品大晒冷！

左手邊O個個就係伍爺喇！佢飲大O左，自己走出去玩"世界之最"喎！

呢幅相就正囉，有枝哥，Hang Hang同舉晒手O既阿John！

呢個就係成晚搞事O既龍師傅喇，仲有Password！

呢個係世界之最O既遊戲 -- 係選最靚仔！

睇O下阿Vin哥(前排著紅衫O個個)個樣幾衰！

我O地仲玩O左亮相添！

原來阿哥細個做過餐廳WAITER嫁！

阿姐O係開席無耐就黎到喇！

佢O岩O岩落機咋，因為之前去O左上海公幹呢！

龍師傅抽獎抽到阿米，不過叫O左佢做Michelle Lam！

其實佢係叫Michael Lam呢，哈！

是晚抽獎大獎得主係 -- Law Law 呢！

係一部Netbook！

最後，當然要黎張部門大合照啦！

(唔知大家搵唔搵到我呢！)