作戰開始

聽日3月1號喇！

作戰正式開始！

作戰第一步 -- 調理身體！

 

做人老婆甚艱難

由於近日天氣太潮濕，搞到個人都無咩心機！

所以今日都係O係屋企HEA O下！

下晝去買完餸，洗好晒餸後，老公當然打佢O既高爾夫球同乒乓球啦！

我就去執房！

將衣柜O既冬天衫同夏天衫對調位置！

咁樣搞都搞O左我成個鐘嫁！

仲要俾老公話我其實都好多衫O下！(即係話我成日買衫囉！)

跟住仲要幫老公清信！

老公O的信成半年先清一次！

清唔係一個問題，問題係要幫佢拎去碎紙機先攞命！

碎O左4個字都只係碎O左O個一半！

所以我今日只係幫老公碎O左1半咋！

因為太累啦！

所以話呢 -- 做人老婆真係甚艱難呢！(不過呢O的都係好小兒科，打理家頭細務先攞命呢！)

陳太廚房@20100228

今日又係我陳太廚房時間！

今日元宵佳節，當然要煮飯俾老公食賀元宵啦！

2點煲落湯就落街買餸LU！

今日4餸1湯！

菠蘿紅椒炒肥牛肉併雞脾肉片！

鹽焗豬手！

薑母鴨！

炒油麥菜！

花膠螺片鮑片湯！

陣間宵夜仲有老公指定今晚要食O既 -- 湯圓呢！

鱷魚肉川貝湯

今晚本來叫PIZZA BOX食！

因為阿妹今晚上黎訓！

但下晝佢話今晚有個FD生日，要出去食飯，所以唔上黎食飯！

所以我同老公只係煮O左麵食！

不過都有煲老火湯嫁！

老公話要飲鱷魚肉湯喎！

所以去藥材舖買O左4兩川貝、1兩海底椰同1個羅漢果！

O的川貝可以分開6-7次煲嫁喇！

因為佢買3送1呢！

第一次煲羅漢果！

原來煲出黎係深啡色呢！

都OK好飲，個味好甘呢！

但下次應該落少O的蜜棗！

今日同老公研究O左個新餸！

或者下個星期試O下先！

Wine Tasting Party

上星期三上網登記O左展貿個Wine Tasint Party

咁耐都無REPLY E-MAIL，我以為RESERVE唔到啦！

點知今晚CHECK E-MAIL時，有封個SUBJECT係-- "Registration Confirmation: American Night Wine Tasting on March 5, 2010 (Friday)"

咁即係話之前RESERVE成功！

其實本來想RESERVE 3月12號O既Italy之夜，但可惜我遲O左一步，已經滿額呢！

之前法國之夜又一早已經FULL晒！

好再仲有呢個可以BOOK到咋！

又可以去試O下酒喇，諗起都開心，哈！

戲劇性

話說近排我o地朝朝都要去上堂學ERP！

咁無媽媽o係度，當然無皇管啦！

呢期老公萬歲勵心行為咁激，因為7年前1張紙巾就搞到管足個老公7年！

跟住師兄講o左一單o野俾我o地聽！

聽完我o地個個都覺得好恐怖！

師兄話前排風show快活人個節目，有聽眾打上去分享！

呢個故事係咁o既……..！

有個女仔同佢男朋友拍拖都好耐，都諗住結婚嫁喇！

但個女仔o係籌備結婚呢段期間，成日都覺得佢男朋友有o的o野，背住佢出去搞三搞四！

咁個女仔就上o左男朋友屋企裝針孔攝錄機，想搵出証據！

但好耐都發現唔到咩o野！

直至到結婚前幾個week，o係部針孔攝錄機度終於搵到O的O野！

但個女仔都堅持同男朋友結婚！

結婚當日朝早仲玩接新娘遊戲，去註冊埋！

到o左酒樓擺酒入席時，好似我當時結婚咁會播成長片段！

播到新郎細個時，跟住有張相係新郎無著衫o既相！

當時o的賓客都以為佢o地咁特別，所以笑o左一輪！

點知下一張相係有個女仔同樣無著衫，企o左o係新郎隔離！

而相中個女仔，就係新娘個伴娘！

咁當然伴娘發晒癲咁走o左去啦！

之後個新娘拎個咪講：”咁多位來賓，今晚個婚宴到此為止，大家可以去reception拎返o的人情！”

個新娘仲要係好冷靜嫁喎！

聽完師兄講之後，頓時覺得好恐佈！

呢o的劇情我諗住只係拍戲先有o既o姐！

其實我都唔知以上係咪真o既！

不過如果我係坐上客都幾surprise同唔知點好！

比比就話個女仔做得o岩，我同珍珍就認為佢係O岩，但有o的過份o左！

總之個結論係………..女人係唔可以得罪o既動物啦！

濕淋淋，好討厭

呢兩日天氣異常潮濕！

屋企lift口個地板同牆完全濕晒！

係誇張到滴晒水o個隻！

屋企廳塊鏡同柜玻璃係出晒霧水！

房個天花仲癲，係一粒粒水珠咁養住o左囉！

尋晚連開埋冷氣訓個情況都唔見得好得去邊！

睇黎部抽濕機同冷氣機都要長開至得喇！

呢o的咁o既天氣快o的過啦！

唔係我天花o的牆紙就係咁先喇，要重新換過都好大工程嫁o麻！

唔鐘意春天，我都係鐘意秋天多o的！

Certified

今晚諗住叮返熱o的麥樂雞做餸！

之前我諗係媽媽用塊好濕o既布去抺個微波爐裡面！

媽媽諗住抺乾淨晒先去叮！

當媽媽叮o左兩次都仲係凍時，先同我講個微波爐壞o左！

跟住我打開黎睇，個微波爐裡面係濕晒嫁！

加上天氣潮濕，同埋佢已經用o左8年幾9年！

所以今晚8點Certified！

今個星期要去買返個新微波爐先得lu！

不如再去樂富吉吉島作最後衝刺，睇o下有無平微波爐都好喎！

定係去冒險樂園換好呢？！

同老公商量o下先！

陳太廚房@20100221

因為今日要同老公去一個神秘地方，所以先去o左Elements之後再轉車！

去到因為太肚餓，所以去o左夏麵館食lunch！

我o地個lunch都幾豐富嫁！

之後就去o左神秘地方喇！

去完之後，就再返Elements行街lu！

我o地o係Three Sixty買o左都唔少餸呢！

Three Sixty有好多好誇張o既餸嫁！(可能係我少行街啦，正一鄉里，哈！)

所以今晚好豐富呢！

有上湯焗波士頓龍蝦！

上湯焗爆膏瀨尿蝦！

煎美國(風乾)黑安格斯西冷扒！

焗生蠔兩味 – 蒜蓉焗同XO醬焗！

紅椒炒黑椒牛丸併肉絲！

煎香茅豬扒！

今日食到老公好飽飽呢！

餐飯足足食o左2個鐘呢，哈！

神秘地方

今日同老公去o左一個地方！

今日去只係視察環境，睇o下個場得唔得！

去到發覺都ok喎，最緊要係可以fit到老公需要o麻！

最重要係free of charge呢！

睇o下幾時得閒開始同老公去玩o下至得！

瘋狂購物？！

樂富吉吉島今個月底結業！

咁由唔知幾多號開始至2月28號都係大減價！

所以星期六長週放工後就同老公去睇o下有咩平o野執啦！

我o地先去o左樂富廣場間星泰真味食lunch！

不過o的o野勁難食囉！

之後就去行街喇！

真係多人到呢！

o的o野其實唔係真係話好平，不過真係比平時平DD o既！

但我見到好多人都幾千幾千蚊咁買呢！

不過老公都買o左4件底衫同3對襪！

但買呢幾件o野足足排o左4-5個字先俾到錢囉！

俾完錢有少少缺氧感覺，因為實在係太多人，太恐怖喇！

跟住去埋超市！

超市就少人o的喇，行都行得舒服o的！

因為超市無折上折呢！

o係超市又買定2包鱷魚肉煲湯俾老公飲！

跟住仲買o左花膠筒添！

因為遲o的會嘗試整佛跳牆呢！

仲買o左阿波羅羊肉、肉骨茶同薑母鴨添！

宜家搞到屋企雪柜個冰格已經無晒位lu，哈！

由於尋晚打完邊爐之後我同老公今日都肚痛，所以今晚只係煲粥食呢！

係瑤柱肉絲粥黎嫁！

維他命B群

係時候開始調理一下身體！

但究意只係補充葉酸好定係包埋其他維他命B o既好呢？！

有人話剩葉酸就得！

但亦都有人話葉酸要配埋維他命B6同B12一齊先有效！

咁即係點呢？！

有無專業人仕可以解答到我呀？

又肚痛

今日無端端又肚痛！

但又唔係瀉o個種喎！

只係成日要去廁所！

到10點都係頂唔住叫人幫我去買喇叭牌！

食完叫好少少啦，不過仲係陰住陰住痛！

搞到今朝原本要同兩個阿姐一齊見商號都無去到！

好唔容易先捱到放工！

返到屋企仲要見唔到老公添！

因為老公去o左同事屋企打牌，要夜o的返！

呢個感覺好淒涼呢！

食o左少少o野，10點半就上床訓覺！

但訓時老公都仲未返呢！

開工大吉

今日年初四，係時候開工lu！

不過咁凍先黎要返工！

舊年新年我同老公去o左Honeymoon！

返到公司都過o左新十五，所以只係派o左利是俾自已圍內同事！

今年無得再去避年喇！

今日先發覺原來我o地個部門有咁多花仔花女囉，哈！

仲有o的放緊假添！

今日大家都仲係holiday mood！

我o地都係hea 住咁等收工呢！

呢o的正式開工等收工！

下晝同班同事去o左帝延飲茶開年！

不過由於近排腸胃唔好，所以都唔係點敢食油膩o野！

希望今日飲完茶聽日唔會又肚痛啦！

遲來的情人節禮物(2)

繼尋日朵玫瑰花同心心，今日係豬仔錢箱！

呢個豬仔錢箱成94塊，仲要有o的係差唔多樣！

老公未食飯前砌o左一半，諗住食完飯後再砌埋佢！

但食完飯準備好再開工砌時，老公唔覺意整爛o左佢已砌好o既一半！

咁即係話要由頭再砌過喇！

呢隻豬，老公足足用o左5個鐘先砌得完呢！

不過砌完見到個成品，感覺好溫暖！

因為係老公辛辛苦苦咁一塊一塊由零變出黎呢！

所謂物輕情義重！

我好受嫁，哈！

遲來的情人節禮物

因為尋日年初一要去老公O個邊拜年，所以情人節無得慶祝！

所以今日老公同我去行街街補數！

我O地去O左太古城行街！

先去O左大食代食LUNCH！

今日老公買多O左兩件新衫，諗住初五去打牌著呢！

本來老公打算送 WII fit plus俾我做情人節禮物！

但我話不如等吉吉島95折時睇O下有無折先買！

不過今日有驚喜係老公送O左3樣O野俾我！

但係要老公一手一腳砌出黎先得呢！

呢份心意真係好足夠喇！

個心心係我同老公一人砌一半而成嫁！

而朵玫瑰花就係老公自己砌O既！

呢個心同玫瑰花唔會退色，又唔會謝！

老公話叫我拎返公司擺喎！

仲有隻豬仔錢箱嫁！

老公話聽日努力埋俾我喎，哈！

跟住就著O野食喇！

估唔估到以下呢個係咩名堂呢！

就係白松露奄列喇！

真係好好味呢！

恭喜發財 + 情人節快樂

今年係第二年以陳家孫新抱身份去拜年！

一如以往，先去老公婆婆道，跟住再去老公女麻女麻道！

本來約1點去到婆婆道，但因為我o地唔知醒，訓到成12點半先起身！

不過我o地都以極速咁起身換衫，1點倒就即刻出門口喇！

上到婆婆道都只係2點幾o姐！

奶奶一見到我，就話：”嘩………你好食好住呀！”

幣………..咁即係話我肥o左啦！

O係婆婆道食完餐lunch，就出發過女麻女麻道lu！

上女麻女麻屋企之前，先去o左酒樓同mx拎訂o左o既外賣！

上到女麻女麻道都成5點lu！

跟住老公當然係打牌唔理我啦！

好彩我都有大、細豬女同我玩o姐！

不過似係我俾佢o地玩多o的囉！

細豬女係咁玩我o的頭髮，好似當我係Barbie咁！

細豬女講咩都要加個”丫”字嫁喎！

“恭喜丫”(停o左1秒)……….”發財丫”！

而大豬女就無時停，佢兩件孖寶丫！

不過佢o地兩個雖然好動，但係好乖呢！

9點鐘開飯，之後老公再打多4圈先肯走！

返到屋企都成點lu！

因為今日係情人節，老公話要去拜年，所以聽日同我去行街街補數喎！

今日除o左奶奶話我肥o左，連老公二表姐都話:"陳太，你係咪肥o左呀？"

我都知我肥o左，不過我都係為o左目標而努力咋，哈！(有o的自欺欺人添！)

恭喜發財

今日大年初一，祝大家身體健康、財源廣進、心想事成、盤滿砵滿，兼情人節快樂！

今日行程都一如以往，先係去老公婆婆道拜年，跟住去老公女麻女麻道！

本來約1點上到婆婆道，但因為我O地唔知醒，訓到成12點半先身！

不過我O地都2點倒上到去嫁！

一去到見到奶奶，奶奶同我講O左句："嘩，你好食好住呀！"

咁即係話我肥O左啦，真幣！

食完飯3點半就過女麻女麻道LU！

我O地要去酒樓同MX拎外賣！

真係重到丫！

好彩有三對手咋！

O係女麻女麻道食完晚飯，老公二表姐又同我講："陳太，你係咪肥O左呀？"

Oh no........！

其實我真係肥O左，但個身唔係點覺，但塊面就好覺呢！

不過我都係為O左今年O既目標咋，哈！(自欺欺人！)

今日細豬女好好笑，佢咩都要加個丫字O既！

恭喜丫！(停O左1秒)........發財丫！

細豬女同我好好玩呢！(其實係我俾佢玩緊！)

佢兩個雖然係嘈O的，但好聽話！

希望將來我O地O的仔女都咁聽話啦！

食完飯老公再打多四圈先肯走！

返到屋企都成點LU！

好彩聽日唔使去拜年O姐！

不過老公話陪我去行街街呢！

大掃除

今日終於都開始放假喇！

所以今日先得閒大掃除！

11點起身，襯住老公仲訓緊我就先去洗廚房喇！

不過洗廚房前我先去掠衫！

搞到12點半就洗完廚房喇！

呢個時候老公亦都起身LU！

老公好乖乖咁煮早餐俾我食呢！

係火腿煎蛋+公仔麵！

食完O野就出去行街街LU！

因為老公要買新衫呢！

行O左2個幾鐘，我買O左1件衫，老公亦都買O左1件新衫！

老公仲買O左5件恤衫返工呢！

除O左買衫之外，仲買O左3張地毯！

之後就去超市LU！

今日又買O左8支酒！

有法國，澳洲酒！

買完晒O野就返屋企再大掃除LU！

本來想去行埋花市，但因為落雨粉，所以都係無去到！

返到屋企先係去洗廁所，跟住再吸塵拖地！

今日真係好攰呀！

不過見到間屋咁乾淨都值得O既！

 

部門團年飯

今日年廿九，係牛年最後一個工作日！

今日我O地部門都黎個團年飯呢！

不過又係北京樓！

今日有成5圍呢，我諗如果唔係有人放假，7圍都有呢！

食食O下大姐仲預早派利是添！

因為佢同睇我O地個GM新年後都放假，所以提早派俾我呢O的！

黃色O個封係GM O既，星三以上係無嫁，哈！

食飽飽都成2點半LU，返到去大掃除O下自己張枱就等放工喇！

到O左5點零鐘，部門黎個新春大抽獎！

我抽到蝦乾呀！

O的蝦乾好大隻呢！

新年又多樣O野食LU，哈！

又黎紅酒

早兩日公司食品部同事出O左E-MAIL！

係同商號拎STAFF DISCOUNT！

我都訂O左兩支紅酒同1支香檳呢！

支香檳個個同事都激讚，所以買黎試O下！

係意大利出品！

另外兩支紅酒亦都係澳洲酒！

1支Shirza同1支Cabernet Sauvignon！

本來想買貴O的O個支Rose香檳，但因為未試過，所以無買到呢！

今次STAFF DICSOUNT係平時街買O既60% OFF呢！

哈，新年前又入貨呢！

呢個新年可以有排飲喇！