7週年拍拖紀念住家餐@20090927

今日係同老公拍拖7週年紀念﹗

我O地無特別安排咩節目呀！

因為今年仲有一個仲值得紀念O既日子慶祝呢！

所以今日O係屋企煮飯仔！

記得舊年婚前最後一個拍拖紀念，同老公去O左廸廸尼黑色世界！

今年見廸廸尼無咩新O野，所以都係唔去LU！

好多人都話7年之癢，但其實係咪癢係睇O下平時大家點相處O姐！

今晚餐都幾豐富嫁！

有焗雞脾同雞翼！

老公致愛--吉列炸生蠔！

米蘭牛仔扒！

椒鹽瀨尿蝦！

 

陳太廚房--細宴周生生日餐@20090926

因為周生9月30生日，所以我同老公就請周氏伉儷食飯喇！

今次特別O的，叫周生周嫂黎試我廚藝！

不過今日周生無咩口福，因為去街市海鮮檔係無咩賣嫁！

今晚餐單有我特別為周生加料O既辣酒煮花螺！

係加O左勁多指天椒同特別加埋麻辣醬而成嫁！

周生仲話食完個湯可以拎黎打邊爐做湯底添！

真係好難得周生會讚人，佢居然讚我呢味餸好味過大排檔整，哈！

跟住仲有豉椒炒蜆！

咁當然又係加辣版啦！

仲有泰式豬頸肉！

周嫂話原來周生係唔係點食豬頸肉！

點知周生都話個豬頸肉好味喎！

周嫂就話個豬頸骨好彈牙呢！

仲有就係焗魚腸！

今次改良O左，加O左油條入去呢！

今次無上次咁乾身，今次係好味O的呢！

周生周嫂仲話出面好少有得食！

我就係見出面唔係成日有得食，麻煩O的都要賀O下周生牛一嫁O麻！

另外就係牛油炒雜菇！

仲有炒菜心！

而湯就係五指毛桃湯！

今日周生周嫂都好滿意我為佢O地準備O既生日餐呢！

 

APM HIPOT@20090925

今晚媽媽要去飲，所以今晚餐飯要我同老公兩個自己搞掂！

見上次O係吉之島贏返黎O個$500稻香COUPON下個月到期，所以就先用O左佢！

因為每次最多只可以用$100咋！

今日揀O左APM O既HIPOT！

見佢開O左咁耐，又咁多人排隊就去試O下喇！

老公7點幾去到，當然係老公去拎位啦！

呢度有個唔好處係無得BOOK枱，就自有得BOOK都只係6人以上或者有最低消費！

等到8點鐘就可以入去喇！

我O地本來想要一個大窩，但佢話我O地呢張枱個爐SUPPORT唔到大窩！

一係就要兩個細窩，一係就再出去等過位！

入座時有一個笑話！

就係老公問個帶位員，話係咪兩個人就只係可以坐呢O的枱？！

個帶位員話兩位只可以提供呢O的枱！

跟住係咁同老公講："陳生，唔好意思！""唔好意思呀，陳生！............"

佢講陳生起碼講O左6-7次囉！

係人都知老公姓陳囉！

跟住到落單喇，我同老公O係等位期間已經劃好食咩！

我O地要O左一個套餐，有原條活魚配海蝦、北寄貝同鮑片、手打雙滑、有營蔬菜！

仲另外叫O左蘭花蚌、$15雪花肥牛、火鍋點心三寶！

到落單時，老公話要兩個細窩，一個要麻辣，一個要醉雞丫！

咁阿經理就話要醉雞要加$10，有無問題？

當時阿經理係問完就已經開始寫落張單要個醉雞湯底！

老公當佢問完就話："有"！(即係有問題！)

跟住個經理好驚咁望住老公，因為佢心諗好多客都會話無問題！

個自助醬料BAR其實都無咩O野揀！

呢個就係生蒜+辣椒豉油+指天椒喇！

O的O野食真係一般！

成晚最好味都係個原條活魚片，真係幾好味！

本來個餐係話配螺片，上枱時老公見到O個堆唔似螺片，就問個Simpson喇！

個Simpson話改O左，跟住老公係咁話你出面同裡面張餐牌都係寫螺，宜家話轉O左？！

跟住個Simpson好驚咁話："係師傅話改O左嫁，咪就係O個邊O個個囉！"

佢真係驚死老公鬧佢咁！

總結今晚餐飯，如果唔係我有COUPON我唔會去囉，一定無下次！

咁O既價錢，我真係去稻香酒樓打邊爐好過囉！

一來O的O野食麻麻，二來兩個人O的位坐得實在太唔舒服，三來又要等咁耐位！

陳太廚房－釀蟹蓋、炸蝦天婦羅、黑椒牛仔骨、蝦醬通菜@20090919

宜家每個星期老公都會俾1-2個新菜單我！

跟住我就會去鑽研點整喇！

今個星期餐單有--釀蟹蓋、炸蝦天婦羅、黑椒牛仔骨、蝦醬通菜、花膠湯！

個釀蟹蓋真係真材實料嫁！

有自拆蟹肉，自製蝦膠，冬菇粒同瑤柱！

調味方面只係加O左O的胡椒粉、麻油同紹興酒！

未加蛋汁同麵包糠之前係咁O既！

炸完之後就變成咁喇！

個賣相真係可以，個味都好正呢！

跟住今晚O既新菜式仲有炸蝦天婦羅！

因為老公以前O係日菜廚房做過O下，所以識按斷蝦筋！

但發覺原來係唔可以用虎蝦嫁，因為按得O的筋，O的肉就會散！

下次都係用返O的普通蝦，因為按完都會變長！

配菜方面有蕃薯、茄子同青椒！

用天婦羅粉開糊漿，加蛋汁落鑊炸！

個賣相就一般，個味就好！

仲有就係黑椒牛仔骨！

加O左洋葱同蒜蓉爆香！

仲有大澳蝦醬炒通菜！

大澳個蝦醬真係超香，落少少都已經好夠味！

仲有對女仕好補O既花膠湯！

同場加映--椒鹽炸蝦頭同蟹鉗！

O的蝦頭係整天婦羅時剩低O既，個蟹鉗就係拆肉時留低！

唔知下個星期老公會俾個咩菜單我整呢，哈！

忽然正經，有排月經

AOP Review又黎喇！

個個月Ｏ既AOP，媽媽都唔多理！

但唔知點解今次咁認真！

今日先黎開我同小明！

我就好Ｏ的！

可能因為我之前做開data analysis，所以講兩句媽媽就收貨！

但小明就慘喇！

佢由２點做到６點，媽媽先肯收貨呢！

仲要眼水都出埋添，睇見都慘！

我Ｏ地用Ｅ－ＭＡＩＬ傾計，小明就講Ｏ左呢句！

＂佢就忽然正經，你Ｏ地就有排月經！＂

哈，咁即係有幾日痛啦！

仲有師兄，佢係最難搞Ｏ既！

小明仲話，師兄唔掂咪又係要我幫手，點我都係走唔甩囉！

佢隻死女包，真係嫌我唔死得囉，哈！

空氣清新機

話說由今年年頭開始，我就成日都病！

終於到Ｏ左上個星期Ｏ個次病，班同事搵到可能係源頭Ｏ既其中一個原因！

就係我公司個位上面有個冷氣出風位！

因為Ｏ係正我張枱上面，所以次次工程部Ｏ既清潔同事黎親都無幫我洗！

所以就有霉喇！

跟住班好同事即刻搵人黎幫我大洗！

仲要出動到阿米添！

我真係大面！

仲有為Ｏ左我同小明呢兩個病君，媽媽叫機器組搵商號送部空氣清新機黎！

今日終於都送Ｏ左黎！

媽媽仲指定要擺Ｏ係我個位隔離添！

搞到俾班同事笑我！

話我宜家得寵啦！

希望有部空氣清新機真係會好Ｏ的啦！

陳太廚房－焗魚腸、蒜蓉蒸帶子、照燒汁鯖魚、涼伴豆角@20090913

又到星期六日，又係我陳太廚房O既時間喇，哈！

老公話想食魚腸，咁我就膽粗粗整焗魚腸喇！

其實真係第一次整，唔知好唔好味嫁！

宜家出街可以食到焗魚腸真係買少見少嫁喇！

出乎意料之外，媽媽同老公都讚好！

仲話有出街食O既水準添！

以下就係今晚O既4餸1湯喇！

有主角--焗魚腸！

如果有個砵，個賣相會好好多呢！

仲有就係蒜蓉蒸帶子！

跟住就係照燒汁鯖魚！

仲有涼伴豆角！

呢個真係幾好味嫁！加O左麻辣醬同蒜蓉！

最後就係周打蜆湯喇！

每個星期最開心就係煮飯俾老公食呢！