婚戒--第二回

今日約o左另外三個美女雀友會成員去婚紗展！

我之前send sms約o左11點去到灣仔，之後食o野！

我同豬豬好準時咁11點去到，去o左新軒尼詩茶餐廳食早餐！

o個度早餐至到11點半嫁，佢o地如果無遲到係可以食到早餐嫁！

最早到o個個不出我同豬豬所料，係阿奀！

我o地坐落叫o左早餐阿奀就打俾我到喇！

跟住11點半倒，海豚都黎埋，係爭飛飛！

佢就成12點幾先黎到，我o地當然無等佢食o野就出發去會展啦！

入到去就兵分兩路，我同飛飛去hall 2，因為我要去睇PN；而阿奀同海豚就去hall 3買奇華！

因為怕遲晏越多人，所以我叫佢o地去o左買餅咭先，費事到時要排隊！

我o地一入去hall 2，先去法國social，再去埋以馬內利，個個sales都認得我o地呢！

跟住傾o左兩句，就去PN個counter喇！

因為早，所以無咩人，一去到就可以睇！

我o地今次睇多幾款，總共入選有3對！

但由於唔知邊對好，而後面又有一pair黎落單，咁我o地費事阻住人o地落單，咁就拎o左張飛坐o係後面一路等，一路discuss！

經過一輪腦部爭扎，最後係決定買我o地上次已經睇中o個對！簡單得黎個鑲法比較特別！

豬豬話我o地之前預o左咁多買婚戒，宜家都係一半o姐！若果之後再去點睛品睇，你都係鐘意o個對，咪兩對都買晒囉！橫掂都唔over budget！

豬豬仲話買晒兩對，咁咪唔使諗宜家戴緊呢兩對捨棄邊對好囉！到時可以兩對新o既一齊戴！

其實我知豬豬知我兩對都鐘意(其實豬豬都係)，所以最後就confirm o左呢對喇！

豬豬話蘇洲過後無艇搭喎！遲o的再睇過點睛品先決定walk in去PN買，買3千之後先可以做vip，都唔慳得好多，仲要無機刻字送喎！

諗落，豬豬真係好錫我！

因為未決定刻咩好，所以一個月內先再去門市度confirm！

女仔可以刻6個字，男仔就8個字！

暫定5月中收貨，但都要視乎我o地幾時去confirm刻咩字！

um...............其實已經有初步idea，但都要時間去諗o下！

豬豬仲話遲兩個星期同我去點睛品再睇過，到時再決定買唔買埋另外一對！

好o野，婚戒終於都搞掂！

我同豬豬都好滿意呢對咁特別o既婚戒！