Love May Babi Club X'mas Party

5月bb x'mas party作為今個聖誕假之結束！
俊俊妍妍好開心同一大班朋友仔玩！
仲好好彩抽到大獎添!
但遺憾嘅係趕唔到去同一對twins慶祝生日！
我會補返禮物俾你哋J&J嫁！

 

成績表

今日去健康院派成績表！

俊俊妍妍o既體重線已經由1歲o既10%升返上20%！

但依然係屬中細碼B！

姑娘考疊木，只要疊到3舊就pass！

俊俊妍妍當然easy job啦！

到問識唔識分身體器官！

又pass埋！

跟住問講o野喇！

姑娘講o既字佢o地全部都識講！

最後考彎腰執地下o既物件！

俊俊執o左幾舊！

一舊俾妹妹，一舊俾姑娘！

BaBa係咁問都唔俾，哈！

姑娘讚俊俊妍妍叻叻豬呢！

因為所有o野都pass晒，4歲先要再返健康院做視力測試lu！

 

Twins Club 2nd Gathering

今日同另一個

twins club o既一班twins bb gathering！

有成27對twins呢！

仲有爬行比賽！

但俊俊妍妍宜家唔肯爬，變o左行行大賽呢！

終於有機會著呢套親子裝喇！

希望快o的再有下次gathering呢！

1歲半生日快樂

俊俊妍妍今日歲半喇！
BaBa MaMa祝大小B身體健康，聽教聽話，快高長大！

又一套親子裝

呢排俊俊妍妍輪住病！

雖然心力交瘁！

但呢套親子裝為我帶動力！

妍妍好快會無事一齊著親子裝出街街呢！

微笑起動@海港城

妍妍豬O既一幅相，為我O地一家四口帶黎可以近距離觀賞煙花O既機會，叻叻豬！

如果經過海港城，可以去望下妍妍豬為大家帶黎嘅"微笑起動"！
俊俊妍妍今日見到張相好興奮呢！

美素佳兒「共享成長歷程」派對@20120909

繼上次可以出席美素海洋公園母親節function！

今日有幸成為10個家庭之一，有份參予美素佳兒o既「共享成長歷程」派對！

大會非常細心，仲安排埋專車o係尖沙咀接送到Bom City！

Bom City 係一個專係for 2歲以上小朋友可以扮演角色o既遊戲地方！

我o地1點3去到，一入門口已經見到有幾張大梳化，上面放滿美素o既cushion，同埋已經見到倩揚媽媽同詹營養師同mc準備喇！

今次安排係每個家庭坐一枱，比起其他只係安排椅子o既function感覺黎得親切！

現場仲有好多藍色汽球，係小朋友們o既致愛呢！(包括俊俊同妍妍)

Warm up o左一陣，派對就開始喇！

先係由一家五口遠道由荷蘭黎到o既菲仕蘭坎皮納香港有限公司總經理Mr.Arnoud van den Berg 簡單介紹一下！

接住黎仲有倩揚媽媽同道席營養師詹sir一齊分享o下由懷孕到bb出世後o既營養資訊！

當中問到有邊位baba知道mama o係懷孕期間胃口有咩轉變！

傻ba仲舉手答問題添！

估唔到傻ba原來一直o係我懷孕時都有留意住我o既飲食習慣喎！真係估佢唔到囉！

傾完計就開始第一個遊戲喇 – 就係要baba們為自己家庭起一個名！

傻ba諗都唔諗就寫”傻豬之家”！

跟住每個家庭要解釋返個名o既起源！

傻ba就話俊俊妍妍好曳曳好動，成日玩到look 黎look去，跟住就o係度傻笑，佢o地傻笑搞到傻ba同傻ma都傻笑，所以我o地一家就叫”傻豬之家”喇！

每個家庭介紹完就到第二個遊戲喇！

呢個互動遊戲係俾$50，o係聚多零食中揀最符合一家營養o既零食！

一班baba們好認真係咁考慮緊呢！

呢o的就係傻ba為我o地一家揀o既零食喇！

營養師話原來蝦片都係有營養價值o既零食黎嫁！
做完運動後，就有Meling同我O地分享到荷蘭牧場O既經歷喇！

原來宜家好先進嫁，係用機器黎擠牛奶，不經人手！
因為咁樣會衛生同有效率呢！

除O左有得玩，仲有得試嫁喎！

每個家庭有機會感受試用一下新裝美素佳兒單手操作o既方便喇！

傻ba好快咁已經單手可以將條開封鎖開o左喇！

新裝設計真係幾好！

單手開o左個蓋後，裡面o既匙更同奶粉係分開o既！

對比舊裝開完個鋁封蓋後仲要o係裡面搵返個匙更出黎來得衛生、方便得多！

新裝仲有個好處係有個量位俾mama們可以整平一整匙o既奶粉，唔使tun 黎tun去先可以整到一匙！
連妍妍豬都要試埋一份呢！

感受完新裝o既好處，就移師出去廚房地帶玩第三個遊戲 – 潮媽廚房大比併！

呢個遊戲係俾o的中東包，再自己揀配料，合作製出一份有營養，又美觀o既中東包！

由於俊俊呢個時候要食奶奶(傻仔豬食奶都掛住望鏡頭！)

所以就由表姨出手喇！

呢個就係表姨o既傑作喇！

倩揚媽媽仲話呢個有o的似史廸仔添，哈！

整完當然係品嚐自己o既作品啦！

大會仲好好安排o左o的小食添！

O的蛋糕仔好靚呀！

O係食o野途中，倩揚媽媽同詹sir黎同俊俊玩！(因為妍妍已經頂唔順訓o左lu)

睇o下俊俊唔知將支水俾倩揚媽媽定詹sir好喎！

到最後俊俊係兩個都唔俾，走黎俾傻ma呢，哈！

食飽飽後就黎個頒獎時刻喇！

原來大會安排o左出席o既小朋友每人有一張健康成長大使證書呢！

俊俊妍妍每人都有一張！

張證書好靚靚嫁，係珍珠面紙黎嫁！

頒獎完，最重要當然係黎返張大合照啦！

今日好開心參加到呢個派對！

真係玩得好開心，既可以拎到o的營養資訊，又可以o係bom city玩！

俊俊妍妍o係派對完o左之後已經大覺訓，訓到連抱住上落車都唔肯起身呢！

希望下次再有機會同俊俊妍妍一齊參加美素o既派對啦！

今日除O左玩，仲有得試，有得食，真係一次過滿足晒三個願望呀！