生B暨生日禮物 – Galaxy S2 白色 @20110911

4月o個時，老公已經話買同我一齊出部Smart Phone！

之前睇o左Galaxy S！

諗住到去出o既時候，我同老公個plan都未到期！

而123又要o係完約前4個月先可以續期喎！

所以最後都係出唔成！

跟住6月就出Galaxy S2喇！

咁當然出呢部啦！

老公個約早o的完，所以可以7月中就轉plan買機！

而我就要等到9月尾先可以出得！

8月o個時去門市問過，話9月1日就可以去出機！

但個plan就要10月中先生效！

但5號o個日去又話入唔到機，又話張約未完………..！

總之就係出唔到啦！

跟住尋日老公打上123個cs度嘈！

嘈嘈o下就可以提早出機，同埋可以提早到9月中就轉到個plan！

仲俾我reserve埋部新出o既白色Galaxy S2添！

今日老公就同我過去鑽石山出機喇！

呢部就係老公送俾我o既第N份 - 生B禮物喇！

真係好開心呢！

繼N年前o既黑白配手機！

N年後又再一次係黑白配呢，哈！

多謝晒老公！

俊俊&妍妍第一個中秋節

今日係俊俊&妍妍o既第一個中秋節！

今年真係人月兩團圓！

仲要由兩口子變做一家四口呢！

記得上年9月尾o既中秋假，老公同我去o左星馬5天遊！

返黎無耐就發現有o左大小B喇！

計返時間，應該係旅行時bingo o既！

而一路佢o地生長差3日！

所以我同老公直覺覺得一個係新加坡B，一個係馬來西亞B呢！

咁即係新仔同馬拉妹喇，哈！

所以我對中秋節特別有感觸！

由於佢o地o岩o岩好返！

所以我同老公都唔太敢帶佢o地出街！

唯有靜靜留o係屋企啦！

我o地無買燈籠俾俊俊同妍妍！

等佢o地出年識行識走同埋可以拎實o的o野先買俾佢o地！

咁佢o地就可以拎住燈籠落平台同o的小朋友玩喇！

祝俊俊&妍妍中秋節快樂！

BaBaBe舊同學中秋團圓

之前已經約好o左！

但BaBaBe有幾個舊同學臨時甩底！

所以最後得返科契爺、科契媽、芹姐姐同Andrew哥哥咋！

科契爺、科契媽、芹姐姐同Andrew哥哥先上o左黎探我同妹妹！

Andrew哥哥係第一次黎探我o地嫁！

到o左8點鐘倒，BaBaBe同MaMaMe就同班舊同學出街食飯lu！

佢o地今日去o左觀塘大排檔！

聽MaMaMe講，o個度o的o野都幾好味！

但o的人o既態度好有問題呢！

如果無book定位而又唔想等位o既！

呢度可以一試！

俊俊被傳染

尋日妍妍豬都係間唔時咳！

所以同老公決定夜晚訓覺俾妍妍豬食藥！

食完今朝又真係好o左少少！

個鼻無咁塞！

但輪到俊俊豬有事喇！

又係咳同鼻塞！

尋晚諗黎諗去點解俊俊都會咁！

平時我o地都分開佢兩個嫁！

我諗最主要原因應該係媽咪用埋同一條口水肩餵佢o地食奶！

咁交叉感染到掛！

唉……….我真係俾媽咪激死！

我知佢一個湊兩個係好辛苦！

但係人都知每食完一次就要換一次條口水肩！

同埋唔可以共用嫁啦！

我無話到媽咪！

我只係提佢話唔好再咁樣o姐！

我怕到俊俊同妍妍好返！

跟住病o個個係我同老公囉！

其實老公個肚已經唔舒服o左幾日嫁喇！

真係好擔心呢三個寶貝！

希望老公、俊俊同妍妍快o的無事好返晒啦！

妍妍第一次睇醫生

唔知係咪因為百日宴o既關係！

妍妍豬星期二開始就有少少咳同鼻塞喇！

但唔係好嚴重！

只係一訓醒就塞得勁o的！

咳就係間唔時先咳！

但為o左穩陣起見！

所以帶o左妍妍去睇醫生！

醫生開o左2種藥同1支滴鼻水俾妍妍！

但醫生話有需要先食！

因為妍妍唔係好嚴重！

始終咁細個人仔唔好俾咁多藥佢o地食呢！

所以今晚都無食藥，只係幫妍妍滴o左鼻！

等佢訓覺時無咁辛苦！

百日宴蛋糕 – 3D蛋糕

其實上網search o左好耐！

一路都揸唔定主意搵邊間做好！

雖然最後揀o既呢間上網有人話態度同服務差o左少少！

但亦都有唔少好o既comments！

最後搵o左契媽朋友有幫襯過o既 – Onda！

我o地總共訂o左兩個！

我o地個款係o係Onda網上o既做basic，再o係上面加多少少裝飾！

一個係糖霜面，上面有兩架bb車！

一個係半糖霜半cream，上面有一男一女bb仔！

一個寫o左Chun&Yin Happy 100 days！

另一就寫俊,妍，再加個100字o既糖霜！

各重4磅！

訂蛋糕係老公負責o既！

聽老公講，話個老闆David都幾好傾！

但唔好o既係唔包送貨，送貨要另收錢！

但送貨費都唔算貴o既！

不過就要12點前收貨！

問題都不大o既，都係送去酒樓o姐！

呢2個就係俊俊同妍妍o既蛋糕喇！

呢個係9月3號女家用！

呢個就係9月4號男家用！

我同老公都好滿意呢2個蛋糕！

味道方面，個個賓客都話好味！

O的水果都ok新鮮！

個蛋糕本身做到有sponge o既口感！

有o的似天使蛋糕裡面o既口感！

呢間可以推介俾大家！

如果大家有興趣要訂的話！

我建議如果唔係大時大節的話，可以5-7日前訂！

但如果撞著有節興的話，最好最少早2個星期訂！

因為如果太急的話，唔係款款都有期趕到嫁！

希望俊俊同妍妍到大個睇返o的相！

會鐘意我o地為佢o地準備o既百日宴蛋糕啦！

俊俊&妍妍百日宴(男家篇)

今日輪到男家擺喇！

我o地揀o左屯門美心皇宮！

又係公司媽媽幫手訂o既！

今日老公指定話要食龍蝦！

由於尋晚飲得多o左！

所以搞到今日我同老公都有o的唔舒服！

本來想搭西鐡入去！

但由於搞o下搞o下都成7點喇！

所以就決定搭的士入去喇！

我o地8點鐘去到酒樓！

全部人都到晒lu！

咁當然循例又係影相啦！

當太女麻抱住俊俊時，俊俊仲對住太女麻笑添！

搞到太女麻幾開心呀！

8點半倒就開始切蛋糕喇！

呢個就係我o地為俊俊同妍妍準備o既第二個3D蛋糕喇！

兩隻衰豬又係開席先黎扭食奶！

搞到我今晚又係無得食！

不過我同老公都唔係好舒服，所以都唔食得多！

其間有伯娘幫我照顧住妍妍！

妍妍不知tum得伯娘幾開心呀！

係咁同伯娘講o野！

到差唔多食完又係時候print返o的相俾大家喇！

尤其係要print俾女麻女麻先啦！

搞到11點就走喇！

我o地開多o左2支啤酒同幾支汽水！

但佢o地話我係員工，所以無計到我呢！

我第一次黎呢間美皇！

服務態度真係唔錯呢！

一連2日o既百日宴終於都完成喇！

俊俊同妍妍唔使咁辛苦要應酬喇！

我諗俊俊同妍妍今日無尋日俾人嚇得咁厲害！

應該唔會嚇到唔俾BaBaBe抱掛！

俊俊&妍妍百日宴(女家篇)

終於都到喇！

如果出世計第0日，今日就係第100日喇！

由於老公 o既親戚大部份o係屯門！

仲有最主要係老公女麻女麻(即係俊俊&妍妍太女麻)早排跌親！

唔想女麻女麻咁辛苦搭咁耐車出黎，所以決定分開兩日搞！

今日先係女家擺！

好簡單地o係啟田美心大酒樓筳開o左2席招呼o的親朋戚友！

先係好多謝公司媽媽幫手訂酒席！

仲寫埋菜單添！

本來下晝約o左師兄佢o地早o的去打牌！

但由於師兄下晝突然有o的事，所以最後都無打到！

阿妹同媽咪6點半倒先落酒樓招呼住o的賓客先！

我o地餵埋6點鐘o個轉奶，就出發落酒樓喇！

去到酒樓7點半！

大部份賓客都到o左喇！

去到當然係不停咁影相啦………！

到o左8點3倒，我o地就開始切蛋糕喇！

呢個就係我同老公為俊俊同妍妍準備o既3D蛋糕喇！

我同老公都好滿意個蛋糕！

我o地仲代表俊俊同妍妍切蛋糕呢！

至於味道呢……….o的賓客都話好味！

有sponge o既口感！

食完蛋糕大約9點就開席喇！

期間俊俊同妍妍輪住扭食奶！

咁我當然係無停過啦！

餵完俊俊就到妍妍喇！

其實我係成晚無咩食過o野呢！

我o地今次失策o左！

唔記得帶紅酒去酒樓！

所以最後o係酒樓開o左2支紅酒！

到差唔多食完時我就拎o的回禮禮物俾大家喇！

呢o的係代表俊俊同妍妍對大家o既小小心意！

而阿妹就負責用部printer print o的相俾返o的親戚！

搞到11點半，飛契媽同Icarus契爺、科契爺同Yuki契媽陪我o地一齊返屋企！

仲坐低傾計傾到成點鐘先走呢！

今日真係難為o左俊俊同妍妍喇！

要俾咁多人輪住抱黎抱去！

希望佢o地無嚇親啦！

俊俊同妍妍，BaBaBe同MaMaMe祝你o地100日快樂、身體健康、快高長大、聽聽話話！

百日宴回禮 – 日本金平糖

原本無諗住整！

但我又想有個紀念！

所以o係百日宴前2個星期開始上網睇喇！

之前睇中o左手做波板糖！

但由於over budget，所以放棄o左！

o係我準備放棄唔要回禮時！

俾我無意中發現到有呢樣 – 金平糖！

上blog度睇相唔錯！

仲可以有俊俊同妍妍個名！

而又within 我o地o既budget喎！

老公都同意，所以就confirm幫襯Vienna喇！

金平糖(葡萄牙文為Confeitos)寓意為 – 可喜、祝福！

呢種糖係日本古時皇室用o既贈品，寓意係”可喜的點心”

佢表面起細角，形狀像星の碎片，又叫星星糖！

佢有兩個packing，其中一個係新o既！

我就揀o左個新o既packing！

個樽大o的，蓋上面有花花！

個賣家都幾交帶！

初時用e-mail聯絡！

之後就電話喇！

我由落單到取貨時間都算趕！

但個賣家都準時起到貨呢！

呢o的就係為俊俊同妍妍準備o既回禮喇！

希望收到o既親朋戚友都感受到呢份喜悅同祝福啦！

如果大家有興趣，可以去賣家個blog度睇o下！

兔兔會T-shirt

8月中時5月媽媽會搞o左個百日宴！

但因為老公話俊俊同妍妍都仲細個！

所以唔俾我參加！

但我都訂o左件兔兔會o既T-Shirt呢！

要o左兩件，俊俊同妍妍每人一件！

初時以為只係會一個頭！

但原來義工媽媽幫我整o左同一件有兩個兔兔頭呢！

呢兩件就係兔兔會o既T-shirt喇！

好靚靚呀！

真係唔該晒兔兔會義工媽咪Joeli