健康院打針針+派成績表

足兩個月就要返健康院打針針喇！

其實上次去KINETICS打針已經想出車！

但因為落雨，所以出唔成！

今日咁好天，終於可以出車成功喇！

俊俊豬同妍妍豬好似好鐘意部戰車咁！

一訓落去本來喊緊都唔喊！

又四圍望！

落到樓無耐仲訓埋添！

去到健康院超多人！

O係健康院俊俊豬同妍妍豬俾人圍呀！

O的媽咪、健康院O既嬸嬸個個都走埋黎！

話係孖黎喎、仲係龍鳳添..........！

個個好似有金執咁走埋黎！

去到等O左陣就入去派成績表喇！

俊俊豬兩個月有5.67KG！

頭圍38CM！

呢兩樣都係跟返條CURVE走！

體重仲比上次高O左一條添！

但身長就只係O岩O岩掂到最低條線！

但我覺得個姑娘度身長時唔準！

可能俊俊豬O的骨同肌肉比較實，所以姑娘無完全拉直晒就度喇！

妍妍豬就重5.21KG！

頭圍37.9CM！

身長55.5CM！

全部都係中間位置！

之後等O左大半個鐘先叫我入去見姑娘！

問O左O的O野就做寛關節檢查喇！

姑娘好快幫妍妍豬做完！

但俊俊豬搞O左好耐都未得！

因為俊俊豬O的肌肉太實，姑娘怕整到佢，所以要等醫生黎做！

出去又等O左半個鐘倒先有得見醫生！

等見醫生O既時候，妍妍豬去O左打10價針！

妍妍豬今次喊到拆天咁呀！

唔似上次去KINETICS度只係喊兩聲就收聲！

睇黎呢個姑娘打針技術麻麻！

同埋好彩今日只係打一枝咋，唔係實心痛死我同老公喇！

妍妍豬喊足成個幾兩個字，仲要俾埋DD佢先肯收聲呢！

俊俊豬見完醫生做寛關節檢查先可以打針！

幫俊俊豬打針O既姑娘老公話好過幫妍妍豬打O個個！(因為無要睇住其中一個，所以由老公抱佢O地入去打針！)

俊俊豬今日好叻豬！

打針喊都無喊過呀！

由3點搞到5點半，終於都搞掂可以走得喇！

下次返健康院係四個月再返去打第二次O既10價針！

希望到時唔使搞咁耐啦！

雙滿月

今日係7月27日！

即係俊俊豬同妍妍豬雙滿月喇！

今次O既蛋糕係即慶O既！

所以無好似滿月咁訂埋朱古力牌！

今日睇返俊俊豬同妍妍豬出世到宜家O既相！

真係發覺佢O地大得好快、好快！

個樣日日都唔同！

俊俊越黎越似蠟筆小新！

即係好似BaBaBe 細個喇！

BaBaBe細個又係俾表姐佢O地叫蠟筆小新呢！

妍妍豬就大個女O左好多！

仲長肉O左好多添！

出世時因為得2.37KG，唔足磅，所以要睇兒科！

睇見宜家肥肥白白，証明我同老公O係頭O個個月就算幾累都半夜起身餵奶！

就算佢O地無喊都照餵！

証明係無白費O既！

呢個月俊俊豬同妍妍豬明顯訓得少O左，玩O既時候多O左！

仲識開始扭計要人抱同食DD！

表情多O左好多！

識得開始應我O地！

仲成日自己無端端笑添！

雖然無O左好多同老公兩個O既私人時間！

見到呢一切，就算幾辛苦都覺得值得！

有時O係度諗！

如果將佢O地宜家擺返落肚唔知會點呢！

我諗個肚一定唔夠位囉，哈！

BaBaBe同MaMaMe祝俊俊豬同妍妍豬快高長大，健健康康！

MaMaMe好快就要返工喇！

我諗我一定會好掛住、好掛住、好掛住俊俊豬同妍妍豬！

9月將會分開男女家擺百日！

到9月27日，仲係一個特別O既日子呢！

識飲識食 – La Gondola

早前O係飲食男女介紹呢間店！

佢標榜O的PIZZA係拿玻里學O既！

由於之前去拿玻里食過O的PIZZA係O係意大利試過最好味O既！

所以就決定要去試喇！

老公原來一早已經諗好去完書展去呢度食O野！

我O地O係灣仔搭26號去中環！

因為少去呢區，對每樣O野都好新鮮！

落O左車行大約3分鐘倒，就見到喇！

呢間係一間隱世小店！

如果唔係介紹過，我O地唔會搵到呢！

我O地去到差唔多5點！

等O左一陣就開門喇！

全店得一張枱，係Table for Two！

坐低睇O左陣MENU就叫喇！

首先叫O左個La Gondola Pizza！

材料有：Tomato sauce, mozzarella, fresh tomatoes, onions, fresh basil & oregano！

風味有O的似拿玻里食O既！

但個餅邊略嫌脆O左O的！

唔似拿玻里咁成個都係軟O既！

但都已經比香港好多間PIZZA店出色好多、好多嫁喇！

之後叫O左個Weekly pasta！

今日係Meat Ball pasta！

個homemade sauce好味！

食完都嫌唔夠喉！

叫多個Half & Half！

即係O係MENU上任揀兩款合併為一個PIZZA！

我O地叫O左Siciliana 併 Prosciutto！

Siciliana材料有：Tomato sauce, mozzarella, homemade sausage, hot peppers, oinons, oregano！
而Prosciutto有：Tomato sauce, mozzarella, Prosciutto ham, rocket, olives, parmegano, oregano！

個Prosciutto ham雖然咸，但配合PIZZA做法一流！

真係好好味！

原來呢間O係尖東有分店！

下次可以唔使去咁遠食呢！

呢間隱世小店值得推介！

食飽走時仲見到藍色O既大衛像！

好掛住佛羅倫斯呢！

仲見到勝香園同九記！

不過是日兩間都無開！

仲有O係廣州好出名O既蓮香樓！

之後仲見到麥奀記！

老公話下次要試O下喎！

食完呢餐，好想再去多次意大利！

老公話2015年就會再帶我去！

順道睇埋米蘭世博呢！

同老公拍拖拖去……..書展

自從俊俊同妍妍出O左世後，好難得可以同老公拍拖去街！

過埋下個星期就要返工喇！

所以老公特準我出街玩呢！

因為個NOD32 八月就到期！

早兩年都係O係書展買！

所以就諗住入去睇O下有無得買喇！

我O地本來諗住12點前入場！

但因為要搞俊俊同妍妍！

所以成11點先出門口！

咁當然要去食O左早餐先啦！

食埋早餐過到去都成12點半LU！

我O地先O係HALL 1行！

我仲買O左上年已經想買O既書添！

今年仲出埋PART 2！

所以就一次過買喇！

我想買O既書咪就係 – 我的低能湊B之道喇！

O係書展買PART 2仲有把扇送添！

老公仲買O左本訓練我左右腦O既書添！

行完HALL 1就上HALL 3兒童天地喇！

見到有NOD32賣，仲送多1年！

即係前後有效期3年！

老公話觀塘廣場全部都唔係2年期咋喎！

所以就買O左喇！

行到4點零倒就走LU！

因為老公要帶我去食好O野呢！

Carman 姨姨……到訪

Carman姨姨係媽咪同事！

其實6月中已經黎過探我O地嫁喇！

但因為上次Carman姨姨話無拎份禮物過黎！

所以今日帶埋泳熙小哥哥黎！

泳熙小哥哥好乖，好叻！

第時一定係班長仔黎呢，哈！

多謝Carman 姨姨O既禮物！

Fiona 姐姐……到訪

Fiona姐姐係媽咪工作上O既朋友！

媽咪公司好嚴嫁！

如果有生意來往係唔可以私底下聯絡嫁！

但因為Fiona姐姐已經無O係以前間公司做，所以可以黎探我O地！

多謝Fiona姐姐O既禮物！

係I Love PaPa 同I Love MaMa O既衫衫呢！

不過有少少大件！

要大個O的先可以著呢！ ----

食DD

哥哥近來要扭食DD！

但我O地只限佢扭眼訓先俾佢食！

食飽飽後，哥哥同妹妹黎張合照先啦！

哥哥食完最後一餐奶後扭DD！

咁就俾哥哥食喇！

點知妹妹望住哥哥食！

佢又口郁郁想食喎！

但妹妹唔係好識食！

成日跌返出黎呢！

今次妹妹唔知係咪見到哥哥食，所以識呢！

玩完一輪之後妹妹訓O左覺！

但哥哥仲鬼打都無精神！

放佢落HIGH CHAIR自己玩啦！

發現佢識自己按住個DD喎！

仲擺唔同手勢黎按住添！

希望哥哥唔好食DD食上癮啦！

不過婆婆話哥哥大個O的見到妹妹唔食DD佢好快可以戒到喎！

因為會俾妹妹醜呢！