大昏迷

尋日執屋都仲好地地！

點知今朝返到公司就開始唔掂喇！

個鼻塞完一邊到一邊！

透氣都要用個口！

5點半頂唔住要走喇！

返到屋企，沖完涼食o左個飽就上床訓lu！

由7點訓到第二朝7點！

中間不斷醒！

唔係個鼻塞到透唔到氣就要去廁所！

斷斷續續咁都叫訓o左12個鐘o既！

我唔想新年流流黎病呀！

要快o的好返！

Book o左喇

一世人一次，點都要試o下！

老公都話呢個提議好呢！

期待復活節o既來臨！

等我呢2個月好好準備o下先，哈！

數銀仔

今日我就執o左5個鐘屋，老公就好努力清佢堆o左成3尺厚o既文件！

唔好以為只係3尺，仲有成5尺老公係未搞嫁，話新年年初三先再執喎！

跟住就開始數銀仔喇！

o的銀仔係我同老公呢幾年黎儲嫁！

有銀仔多就入落錢箱度！

數埋數埋原來只係1蚊2蚊同5蚊都有成5百幾蚊嫁！

仲有o的毫子都有幾蚊！

老公計過唔起過500個coins，所以銀行係唔會收handling charge o既！

又多

大掃除

今日要留O係屋企！

因為要執屋呢！

11點起O左身，跟住先清O左O的堆積如山O既月結單！

成幾個月都無清過喇！

咁樣搞一搞都搞O左成個鐘！

碎到最後仲要連部碎紙機都碎壞埋添，TOO BAD！

食完老公個愛心LUNCH麵後，就再繼續執屋喇！

跟住係執個衣柜！

執O左成3個鐘先執完呢！

仲執O左2大袋舊衫拎落樓下個舊衣回收箱！

原來我都真係幾多衫嫁喎！(不過老公都唔少嫁！)

仲要俾老公話唔準我再買衫添！

哈，聽住先啦，到時個肚再大O的O的衫又唔O岩咪又係要買！(YEAH，奸計得逞！)

咁樣都搞都成4點幾LU！

今年我唔抺廚房同洗廁所喇！

因為實在太粗勞喇，老公唔俾我做呢！

陣間就要數O下銀紙同夠唔夠利是封封利是！

雖然好似唔係做O左好多O野，但已經好攰喇！

唔知係咪大肚婆容易O的攰O既呢？！

 

官塘半天遊

今朝俾公司個手提嘈醒O左！

仲連老公都嘈醒埋！

聽完鬧完個VENDOR一輪就訓唔返喇！

尋晚已經同老公傾好O左，今日過官塘食譚仔米線！

好耐都無食過喇！

我就食O左3小辣，老公食O左個中辣！

兩碗都係3個餸！

我O個碗要O左豬牛雞肉！

但食O左兩啖搵黎搵去都搵唔到有牛O既？！

跟住當然叫佢加返啦！

睇睇O下原來之前佢俾錯竹笙我喎！

哈，賺多O左個餸！

仲要O左個土匪雞翼添！

好彩12點半去咋，唔係實有排要等位LU！

食飽就行O左一陣官塘喇！

我O地仲去O左康寧道個花市添！

原來康寧道O係好高嫁，下次都係唔好去O的山卡拉地方LU！

跟住買o左埋擺大門口地毯同圍爐頭錫紙！

之後仲去埋MAPLE睇衫添！

老公今日批準我買3件衫呢！

行完都成4點LU，跟住就返去買餸LU！

因為今晚打邊爐呢，仲要買O野燉湯！

今個星期O既燉湯係 -- 花膠螺頭鮑片燉豬展！

老公話每個星期我食完花膠大小B都會大隻O左好多喎，哈！

所以堅持一定要星期六同日都要食花膠喎！

今日好滿足呢！

聽日就要乖乖O係屋企執屋大掃除喇！

傻BaBe

朝朝都例牌叫老公起身！

今朝如常地叫老公起身啦！

點知老公一起身就講o左個笑話！

老公一起身就話”好攰呀！”

我問”點解呀？”

老公答”尋晚同阿囝阿囡玩o左成晚！”

我問”你o地玩咩呀？！”

老公”阿囝坐o係左邊大脾，阿囡坐o係右邊大脾，我同佢地玩腳un un囉！”

跟住老公講”宜家對大脾好酸軟！”

我即時笑o左出黎！

老公唔知係咪發夢同大小B玩，跟住對腳真係跟住個夢係咁郁，所以搞到好攰呢！

我話你發夢都搞成咁，咁佢o地出o左世咁你實成個散晒都得啦！

呢個真係傻BaBe黎嫁！

20週喇

唔經唔覺，懷孕之路已經去o左一半喇！

今日係20週喇！

o的人話第一胎大約20-21週開始感受到胎動！

唔知係咪因為係twins o既關係呢！

我o係18週o個時已經開始feel到！

但尋日個feel開始強o左！

之前唔係咁感受到阿囡郁！

但尋日好明顯感受到阿囡都好似阿囝咁郁呢！

雖然無阿囝咁郁得咁密同大力！

話晒都係女仔黎嫁o麻，係要收儉少少嫁o麻，哈！

做媽媽o既感覺越黎越強！

開始會咩事都諗大小B先！

而老公亦都一樣！

老公仲成日問我佢o地有無郁！

我話有佢就即刻擺隻手落我個肚度！

但當然老公係未feel到啦！

遲o的我諗等個肚再大o的，老公就可以feel到嫁喇！

老公宜家每晚都會摸o下大小B，同佢o地傾計！

星期六o個日搭緊小巴，老公摸住佢o地同佢o地傾計，點知大B唔知係咪知道話緊佢呢！

好大力咁踢o左一ｏ下！

跟住講阿囡ｏ個時阿囡又好溫柔咁了ｏ左我一下！

大小B，仲有20週就可以見到你o地喇！

呢段時間，你o地要乖乖咁o係MaMaMe肚裡面成長呀！

吉之島福祿壽組合

繼尋日出動使錢之後，今日都要出動呢！

今日我o地過o左Mega Box！

先去o左肇順名匯飲茶！

去到Mega Box 1點半，等埋位2點有o野食！

都ok豐富嫁，起碼抵食過之前去御苑皇宴度飲茶呢！

食到好飽飽先係$130！

飲完茶就落去L5中庭度霸位lu！

因為新少林寺3點做promotion呢！

有劉華同陳木勝呀！

我o地個位唔算好近，但都可以叫做近距離見到華仔呢！

老公仲影到好多相添！

老公話新年同我去睇呢套呢！(老公好少話去戲院睇戲嫁！)

我當然歡迎之至啦！

睇完劉華搞到4點就開始出發今日o既目的地 – 吉之島喇！

其實20號上網已經睇到吉之島開始每年一次o既福祿壽組合！

我o地就係要等呢個組合呢！

因為屋企要換過部洗衣機呢！

宜家o個部用o左成十幾廿年喇！

加上攪衫開始唔係幾乾喇，係時候要換喇！

一睇個福o既組合，有我o地想買o既大眼仔！

仲要係金章牌，都OK丫！

跟大眼仔個set仲加埋個Panasonic雪柜！

見屋企個雪柜都用o左成10年喇！

加上呢個Panasonic又大o的！

所以襯大小B出世就順便一次過換埋佢啦！

上網睇好晒o的尺寸，再同老公尋晚o係屋企度個廚房夠唔夠位！

一度簡直係fit晒呢！

本來老公話上網訂，因為會送個熨斗！

但我話想去睇o下實物先confirm會好o的喎！

所以今日就出去Mega Box 吉之島睇順便訂喇！

去Mega Box買係因為Mega Club有分儲呢！

睇o下儲到年尾有咩可以換！

去到睇實物同問個sales 個雪柜o既function都用o左成半個鐘！

之後就去落單lu！

福組合就揀o左個雪柜同大眼仔(配大眼仔要另加$500)！

祿組合就要o左個Sanyo 全高清攝錄機！

本來係空氣清新機同呢個智DV二揀一！

跟住同老公商量過後，都係揀DV！

其實一路係諗住買，因為想拍低大小B o既一舉一動呢！

但如果就咁去買部DC我同老公又覺得好似好sign錢咁！

空氣清新機唔係唔好，但要搵位擺同換filter係一個問題！

大小B出o左世後要好多空間，所以都係唔好擺多舊o野o係屋企會安全o的！

而祿組合有呢個就fit晒我o地啦！

最後壽組合就揀o左寶康達智能煲！

因為宜家用緊個Rasonic燉盅係林太借俾我o地用o既！

話有o左要開始燉o野補o下身！

咁老公見遲o的都要俾返林太佢o地，所以話不如要呢個可以燉o野o既智能煲喎！

揀好晒落完單就去做分期lu，分o左12個月！

由於個雪柜要2月10號後先可以送貨，所以就揀o左2月12號送貨兼安裝洗衣機喇！

o係吉之島買滿$100仲可以加$20換隻Miffy！

我o地換o左2隻，一隻粉紅衫，一隻紅色衫！

大小B一人一隻，放o係BB床頭！

其實我唔係特別鐘意Miffy，只係諗住大小B係兔仔同兔女，所以買黎送俾佢o地o既第一份出世生日禮物！

買完Miffy仲去換埋利是封，總共可以換到5包共100個呢！

o岩o岩好可以用黎封俾公司同事用！

跟住o係家品部行o左一個圈！

見到有我o地想買o既柜！

影底o左o的尺寸，返屋企再度o下位再決定買邊隻！

最後再去埋Mega Club儲分就走lu！

之後搭車返藍田，去埋盞記買特價$38/磅急凍螺頭用黎煲湯！

跟住再去埋惠康，因為今日用Enjoy 咭有95折同埋雙倍印花呢！

去完惠康再去藍田吉之島超市買埋牛仔骨就返屋企煮返lu！

今日真係好充實呢！

老公話大小B都幾幸福，一出世就有咁多新o野用呢，哈！

唔知係咪大小B知道BaBaBe同MaMaMe錫佢o地所以開心呢！

今日兩隻o野成日踢我呢！

 

Casablanca 開倉

今日同同事調o左長短週！

準時1點放工就搭巴士返官塘喇！

Join埋老公去龍如飲茶！

食飽飽就搭89C入去第一城喇！

o係第一城再轉小巴入去火炭工業區！

因為要去Casablanca開倉呢！

好彩老公平時有過開呢頭見客，唔係都唔知點搵！

我o地大約4點去到啦！

其實唔算太多人嫁喇！

一入去就當然係搵我o地個目標啦！

就係大小B o既床品套裝喇！

上次o係吉之島新年初賣買o左兩套！

8折再95折o左都要成$430！

今次開始就$399套！

大小B每人一套唔多夠，陣間瀨屎瀨尿都要換啦！

本來諗住只係配返床單、枕袋、被袋！

但計過條數同成套買差唔多，所以最後都每人買多套俾佢o地！

上次未知係囡囡定囝囝，所以買o左兩套中性顔色！

今次就買o左1套粉紅色同1套藍色！

仲買o左1個壓縮枕、安睡枕(可以當側睡枕同餵奶枕用)同埋1套枕袋呢！

初時本來諗住買完去新城市行街！

但因為o的床品套裝太重喇，所以最後無去到lu！

聽日仲有重要任務要做呢！

採購部非食品組團年飯

今晚係我o地採購部非食品組團年！

係媽媽同伍生夾份請我o地o的細o既食！

本來話2月1號晚食！

但馬小姐話佢第日一朝返大陸，所以如果2月1就唔食喎！

咁我o地其他人唯有就佢啦！

所以就改o左做今晚食喇！

我o地去信德美心皇宮！

今晚出席共有14人！

菜單係伍生發板！

都食得好飽o下！

但唔知係咪近排食材唔係咁得！

雖然師傅真係煮得出個味好好味，但食材無鮮味係差少少！

老公今日去o左馬鞍山打牌！

9點幾打俾老公，老公話已經搭緊車！

臨收線前仲講”你上車前一定要打俾我喎！”

咁我就知咩事啦！

到o左10點零倒走再打俾老公！

老公話佢已經落o左車！

我話”你到o左信德喇？”

跟住老公話”點解你咁醒知我會過黎接你o既？”

哈，當然啦！

我話你臨收線o個句已經出賣o左你lu，哈！

跟住個個同事都見到老公！

師兄仲好搞笑咁同老公握手添！

搞到好似人o地結完婚送客咁！

小明佢o地都無佢o地咁好氣呢！

希望兔年個個都身體健康！

卡士蘭DHA 80

12月尾o係工展會訂o既卡士蘭今晚終於都送貨黎喇！

其實o係工展會訂o既時候已經話過o左工展會先安排送貨！

咁3號完工展會，我o地都等到8號先打去問！

跟住仲要答我o地話肝美健未返貨，所以未可以安排送貨！

咁老公就話咁都應該通知聲個客丫，唔使個客無了期咁等！

跟住客戶服務個人叫o左跟我o地單個sales打俾老公！

個sales話唔好意思，話一返貨就即刻第一時間送黎！

直至上星期二倒，個sales打黎話已經返o左貨！

仲話特登安排星期日送貨俾我o地！(原本星期日係off！)

我o地當然無問題嫁！

跟住星期六送貨部又打黎話星期日唔可以送貨，因為佢o地off！

咁當然俾老公鏟到上天花板啦！

我o地由始至終都無迫過話要星期日送貨，係個sales自己講！

宜家話聽日送唔到要安排到下個星期六先可以送喎！

咁老公咪興囉！

死都話唔得，俾O左成皮O野等成個月先有貨！

最重要係老公想我開始食DHA 80呢！

所以安排o左今晚7點後送黎！

差唔多8點就送到黎喇！

呢o的DHA 80係老公特登買黎俾我食嫁！

話等大小B個腦可以發展得好O的，聰明o的喎！

同埋補埋我個腦，因為我個腦會俾大小B搶o左部份走，會變得蠢O的呢！

呢隻係for 大肚婆食o既，因為孕婦係要食DHA高過EPA 成份o既魚油丸！

而老公就食肝美健！

老公晚晚夜訓，加上星期六日有時會飲酒，所以食肝美健會好O的！

希望食完老公精神會有改善啦！

送O既舞茸同藍莓精華液留返遲O的等我生完大小B睇o下可唔可以食先同老公一齊食！

大小B你o地要健健康康成長呀！

OSCAR 報告@20110113

唔記得補返篇係OSCAR報告！

星期四O個日，照完結構，就同醫生傾o下計！

醫生話4個星期後先再返去覆診！(我仲以為要6個星期先再返去添！)

跟住睇返上次OSCAR個報告！

唔知邊份係大B邊份係小B！

一份就係1:11010, 一份就係1:10910！

一份係0.65, 一份係0.68！

兩個都pass，無問題呢！

宜家大小B過O左兩關喇！

海港城開倉

去完護協，就行去海港城Bazzar 開倉喇！

因為有嬰童服裝同床上用品展呢！

我o地差唔多5點半去到！

都唔算太多人！

我o地行o左1個圈先，睇o下有咩買！

因為佢係每間店都要分開俾錢呢！

行完一圈就鎖定o左幾間店喇！

首先買o左初生嬰兒屋企用o既長袖蛤衣，短袖短身和尚袍同襪仔！

跟住再買o左2件出街衫仔同4格奶粉格！

最後o係Baby Outlet 個counter買得最多o野！

有帽仔、口水肩、手套、短袖蛤衣、包被、思詩樂乾棉巾同Sealer 噓噓樂初生用尿片！

佢買滿$300再送10片尿片！

o的衫仔都算買得差唔多喇，宜家係爭o的BB日常用品、清潔用品、床、車同奶粉！

床就等下個月先買，其他就睇o下幾時有平買！

今日呢o的係獎勵大小B今日表現咁乖呢！

護協一遊

覆完診，就行過去白加士街喇！

因為上網o的人話護協o的o野好平，所以襯去開o個頭上去睇o下！

上到去唔算多人(可能係平日掛！)

其實最主要係上去睇BB床！

點知我o地睇中o既C-Max 床仲貴過我o地上個星期去荃灣樓上店睇！

其他床上用品都唔算平！

但個入院套裝都叫做抵，$125有2包衛生巾，床墊，網褲同生理沖洗器！

不過我無買到，因為想再去其他地方睇o下先決定！

佢o既Huggies 初生BB尿片賣$41 (35片)！

Chu Chu奶樽PPSU 8oz就賣$69！(同荃灣樓上店價錢一樣)

我同老公都覺得唔係特別平，同埋未知仲有咩要買，所以咩都無買到就走o左lu！

等惠氏寄o左張會員咭黎先再去認真睇o下！

去完護協，仲有下一場呢！

政府第三次產檢(照結構)

自從上次照OSCAR後，等到6個星期後o既今日去照結構喇！

今日無請產前檢查假期，請o左AL！

因為仲有2日2010年o既大假要o係3月前放晒佢呢！

好滿足地訓到9點半先起身！

跟住去發埋半包花膠喇！(因為上次發o個半包已經食晒lu！)

搞搞o下都搞到成11點喇，跟住沖涼洗頭！

老公今日好多o野做，話12點半走唔到喎！

所以我自己搭14號出佐敦先！

出到佐敦1點3，老公亦都o係官塘上o左小巴！

我o地去o左馬華餐廳食lunch！

食到2點3就行過去QE喇！(但其實係約o左2點呢！)

去到又係做入院登記，之後上B3！

由2點半先到3點零就可以入去喇！

今次呢個係女醫生黎呢！(仲幾後生！)

一入房就上床準備照超聲波lu！

先係睇大B先！

一開就見到大B隻腳掌喇！

仲一路係道出緊腳添！

跟住老公話”係咪呀，我都話嫁啦！上次就出拳，今次一定係出腳！”

一路照，醫生一路講解俾我o地聽！

見到大B o既腳骨, 尾龍骨，腳指，手指，咀唇，膀胱，心臟，臍帶……..！

尋晚我o地同大小B講，話今日要乖乖o地，俾我o地睇到係仔定女！

如果睇到就可以買衫衫俾佢o地！

今日真係好合作，大B成個烏低o左，成個U字型咁，pat pat對住我o地！

睇得好清楚中間係有o的o野突o左出黎！

其實我同老公見到o個刻都想問醫生o個個係咩黎！

醫生未等我o地開聲，就問我o地知係仔定女未！

我o地話未知！

跟住醫生話”好明顯呢個係仔仔呢！”

我同老公對望笑o左一笑！

醫生話大B無問題，所有結構都正常呢！

跟住到睇小B喇！

小B又係好似上次咁咁文靜，但同上次唔同，佢今次有郁動呢！

仲唔係打開手掌，係揸住拳頭呢！

但小B佢今次係扒o左o係度，搞到醫生睇唔到佢個心臟呢，要下次再睇過！

小B係打側咁對住我o地，但對腳係打開o左！

醫生話呢個係女女呢！(我同老公都睇到有3間)

小B 結構大致都無咩問題，係個心臟要下次再睇！

小B追返上黎喇，同大B差唔多大喇！(但佢o地都係俾實際周數細o左1W！)

睇黎要食多o的花膠同恰蛋令佢o地長胎先得喇！

當知道係一仔一女時，我同老公對望，跟住微笑！

出o左房之後就大笑呢，哈！

咁即係如我o地所願，係龍鳳胎呢！

又一次可以引証，大B似老公咁甩繩，小B似我咁文靜！

4個星期之後再返去覆診！

今日大小B好乖乖呢，所以照完結構之後獎o左禮物俾佢o地，哈！

Dinner@KUSHI 串

本來諗住過返悅來o個邊食dinner！

但因為行得太多路喇，所以決定o係荃灣廣場食！

有兩個選擇 – 韓食家或者係Kushi串！

跟住睇完menu就決定去Kushi串喇！

因為呢度係任飲任食呢！

話就話100分鐘，但無人o既話可以坐到佢收工都得！

我o地由8點開始食，食到10點半先走人呢！

呢度如果早o的book位，每住有半邊龍蝦！

不過好可惜要o係6點前book位先有效呢！

個經理俾o左個對住鐵板燒o既bar枱位我o地！

第一次睇住師傅即時鐵板燒呢！

今次係唯一一次我o地食buffet係唔使追order！

因為鐵板燒同爐端燒我o地睇住佢燒緊咩，會有咩食呢！

中途鐵板燒師傅仲放火添！(但可惜我影唔切相呢！)

個感覺好正！(係只係限坐呢個位咋喎！)

o的o野食overall唔錯，尤其係個爐端燒青椒呢！

仲有個薄燒葱蒜牛肉同汁燒牛柳都good！

我同老公都覺得，如果每人$198，坐到bar枱呢個位，係抵過去秋田食成千幾蚊o既鐵板燒呢！

埋單仲送o左張$100 coupon！

佢無條款，不過只限荃灣分店！

咁下次可以黎食個lunch，分分鐘唔使錢埋單呢！

大小B用品 – 熱水壺

屋企個電熱水壺都用o左成8-9年喇！

直至上星期個熱水壺終於都頂唔住要報銷lu！

今日去開荃灣愉景新城冒險樂園，所以去睇o下有無o岩o既熱水壺喇！

最後換o左一個好抵o既熱水壺！

之前屋企用開3.8L，宜家呢個4.0L呢！

大小B又有新o野用喇！

不過就難為BaBaBe要咁遠由荃灣拎返屋企呢！

荃灣一天遊

今朝9點半就俾公司電話嘈醒！

如果俾著以前o既我，收o左線一定可以訓返！

但呢個月開始就真係一醒o左就唔係點可以訓返！

所以10點就起o左身lu！

上星期o係吉之島買o既床單同奶樽11點送貨黎lu！

Settle好晒，11點半就去煮早餐lu！

平時o既星期六同日係老公煮早餐，今日等我做o下好老婆煮定早餐等老公起身食呢！

搞到12點半就叫老公起身食早餐喇！

呢個早餐係尋晚打邊爐剩返o既餸黎呢！

有煎墨魚餅併肥牛！

仲有花膠火腿魚皮餃魚麵！

老公好開心有得食早餐呢，哈！

食飽之後睇埋A貨貴公子就出發去荃灣lu！

我o地過到荃灣都4點lu！

先去食個下午茶先！

去o左KFC食佢個新出o既魚柳包！

呢個係超難食，真係無下一次囉！

食完行過去城市中心！

因為要去樓上店睇大小B用品呢！

去o左兩間，之前上網睇o個張C-Max床1月1號之後加o左大拿拿成$100喎！

兩張即係貴o左成$200！

等下個星期去埋上環o個間睇o下有無加到價先決定去邊間訂！

跟住去另一間再睇埋架孖B車！

其實一早諗住上淘寶買，今次只係帶老公去睇o下o個架孖B車，因為o係香港唔係好多地方有呢架車o既實物睇！

其實之前都睇過好多，但老公只係滿意呢架呢！

遲o的就上淘寶search o下最平幾多錢先！

行完呢度就再行過去愉景新城喇！

因為老公話要去o個間冒險樂園睇o下有咩換喎！

但好彩o係度都有換到o野！

換完之後就行返去荃灣廣場lu！

最主要目的係去呢間吉之島睇o下個嬰兒部大唔大！

呢度都ok大，起碼大過Mega Box o個個嬰兒部先呢！

我o地今日睇中o左條4合1揹帶！(o係Mega Box o個間見唔到有呢隻)

仲有個浴盤！

等今個月尾吉之島新年大特賣時就可以去買lu！

好多o野都有晒idea喇！

睇完晒之後就去搵o野食lu！

至於今晚晚餐食咩呢，下回分解！

大小B用品 – 放濕機

今日5點半就放o左工，因為有o的頭痛！

之後去o左冒險樂園join老公！

因為要去換o野呢！

其實上兩個星期已經睇中o左部放濕機嫁喇！

老公話間房大塵，所以話要部放濕機睇o下可唔可以痴實空氣中o既微粒子，等間房無咁大塵喎！

其實唔知work 唔work嫁！

不過我o地行o左幾間冒險樂園只係見到呢間有得換呢！

所以唔理咁多lu，換o左先！

打算下個星期開始用，睇

Dinner @肇順名匯

去吉之島買完o野，就去食飯lu！

見肇順名匯9點入座小菜有5折，所以就試o下喇！

我o地叫o左3個餸1個湯！

有出名名菜煎焗敏魚！

我o地要o左1斤！

呢個好香，好好味！

O的魚好正！

仲有三個半價小菜！

有甜酸牛柳！

仲有荷葉梅菜蒸菜心！

最後加o左個魚蓉湯！

4樣都好好味！

下次如果黎Mega Box又行得夜過9點，呢度係不錯之選呢！

呢餐係今日o既第5個滿足呢！

BaBaBe真係一次過滿足晒我同大小B呢！

大小B用品1st Round

我o地搭shuttle bus過Mega Box！

唔算等得太耐，3個字倒就可以上到車lu！

過到Mega Box 6點倒！

跟住先上9/F 顧客服務部換支筆先！(因為Mega Club o的分聽日就到期呢！)

跟住先開始去行吉之島！

我o地今日主力行嬰兒部！

新年初賣有8折，再加埋換o左張AEON信用咭5%回贈通！

即係今日買有8折再95折！

我o地首先去睇o左o的床品套裝！

初時只係睇到Disney，但好似唔係好抵！(抵o個o的set俾人賣晒lu！)

跟住再行過去Casablanca，呢set多過Disney 5件o野，但只係貴$10！

好似有以下：

包括厚薄被芯，智慧被袋，枕頭x2及枕袋，攬枕及攬枕套， 床笠，床圍及床頭圍(共12件)

所以就買o左兩sets Classic Pooh喇！

一set紫黃色，一set藍綠色！

跟住再行o下嬰兒部！

今次係睇奶樽！

上網睇好多comments都話Chu Chu奶樽唔錯！

膠樽物料係PPSU，個sales話壽命係年半！

而PP物料只係半年倒就要換！

加上可能會有雙分A呢！

雖然貴係貴o左o的，但只要對大小B好就得啦！

但初時bb會難食o的，因為佢唔啜就唔出奶！

咁即係可以養成阿B唔會懶就有奶食呢！

計過同o的樓上店/網上店買價錢差唔多，所以就o係吉之島買喇！

因為諗住餵人奶，所以只係買o左2個8oz同2個5oz玻璃樽！(以備要o係屋企補奶粉用！)

跟住買o左2個闊身母乳咀8oz同2個闊身母乳咀5oz PPSU樽！(呢兩套係set黎o既，跟埋多兩個母乳咀)

仲加多橙色十字咀PPSU 8oz同5oz各4個！

今日每買滿$200，可以加$10換嬰兒濕紙巾(每set 3包)！

我o地分o左兩張單，所以換o左6sets呢！

o的濕紙巾可以放到2012年尾！

但老公話唔使幾耐就會俾大小B用晒呢！

安排o左下個星期六送貨，唔使自己拎呢！

買o左唔少o野俾大小B，但仲有好多o野未買呢！

諗住每個月買o的，唔使好似一次過要俾咁肉痛o麻！

買完晒o野，係大小B今日o既第4個滿足呢！

新年冒險樂園遊

今日好忙碌呢！

10點起o左身就訓唔返，等到10點半就叫老公起身喇！

跟住老公話陪我落去食麥當當早餐呀！

我當然話好啦！

11點落到去，o岩o岩好仲有早餐食！

呢餐係大小B同MaMaMe今日第一個滿足呢！

食飽飽就過鑽石山lu！

因為要去拎返之前o係團購網買o既兩支酒呢！

但一場黎到荷里活廣場，當然係去冒險樂園睇o下先啦！

去睇o下有咩可以換呢！

睇中o左個NUK奶煲，等下個星期再去換！

跟住玩o左陣火車，仲中o左兩次咁多添！

今日成本效益都唔錯呢！

呢度係大小B同MaMaMe第二個滿足！

玩飽就過返九龍灣lu！

過到去都成2點，所以就去搵o下有咩食喇！

BaBaBe話今日新一年，要食好o的！

所以就去o左鴻星飲下午茶喇！

o的點心好精緻呢！

呢餐係今日第三個滿足！

食飽又再去淘大冒險樂園睇o下lu！

o係度睇中o左個熱水壺呢！

但我o地無o係呢度玩呀，諗住過返德福先玩呢！

o係德福冒險樂園又玩o左陣，玩到5點半就起程過返Mega Box lu！

今日去o左3間冒險樂園，食o左餐好精緻o既下午茶！

只係一個下晝，大小B同MaMaMe就有3個滿足喇！

多謝BaBaBe o既安排呢！

但戲肉係o係Mega Box呢，哈！