好姐妹出閣

今日係我一個好、好、好姐妹出閣o既大喜日子！

本來一心諗住做姐妹嫁！

但我同老公個計劃有變，所以唔可以做！

睇住呢個一齊成長o既好姐妹終於都覓到佢o既最愛！

我亦都相信林生會對我呢位好姐妹好好！

成個婚宴好感動！

平時我同老公都覺得好嚴肅o既外父！

今日無停過佢個笑容！

睇得出新外父係好開心！

到中間佢o地各自多謝父母o個段片！

去到某個位，我都真係忍唔住喊o左！

今日好成功，個天亦都好幫忙！

雖然禮拜初話有個超強颱風吹黎，搞到好姐妹擔心o左成個星期！

但最後係風和日麗，雨都無落過一滴呢！

散場之後仲一齊返房再傾過呢！

真係好替好姐妹開心同高興呢！

Lunch@味吉

捱O左一個星期，今日終於星期六短週喇！

訓到11點幾就醒O左，到12點半老公先肯起身！

跟住就落街食O野LU！

今次試一間搬O左黎呢度兩年都未試過O既日式拉麵店！

就係味吉喇！

一路都無試係因為佢主打係豬，而我同老公都唔係太好食豬呢！

我O地叫O左兩個SET，每個SET有一碗麵、一個小食同一杯O野飲！

老公要O左個大辣地獄豬頸肉拉麵，我就要O左個濃湯豬肉拉麵！

小食就叫O左鹽燒牛脷同唐酥雞塊！

個濃湯底真係好味，唔係大多數食到O既味精味！

食得出係有用唔少豬骨煲出黎O既湯底呢！

至於個地獄湯底，大辣都只係一般辣咋，不過都OK O既！

呢間店我同老公應該唔會再試，因為佢個餐牌真係好難揀！

因為十頁有九頁都只係豬呢！

不過呢間O的O野食唔錯嫁，鐘意食豬O既都可以一試！

陳太廚房@20101009

今日突然之間好想、好想食大閘蟹，所以就去買O左6隻返黎喇！

雖然唔係太大隻，都叫做頂住癮先啦！

媽媽食O左1隻，老公2隻，我一個人食O左3隻呢！

好滿足呀！

跟住仲有今日突然好想食O既三文魚刺身喇！

叫O左個姨姨厚切！

好肥味，好好味呢！

當然仲有新試煎O既鴕鳥扒！

不過我同老公都鐘意食牛扒多O的呢！

仲有就係三文魚意粉喇！

陳太廚房@20101002

尋晚阿妹打黎，話出黎過夜喎！

咁當然係痴埋餐啦！

今晚好少餸，但食到超飽呢！

早前我同老公o係澳門食過個花甲蟹煲，覺得好好味！

所以今日試o下o係屋企煮喇！

我o地今日買o左兩隻超大o既蟹！

阿蟹仲送o左隻細羔蟹俾我o地添！

跟住仲買o左足足兩斤花甲！

至於湯底就有西芹、葱、指天椒、清雞湯！

仲有南瓜添！

老公話真係似o係澳門食o個個個味道呢！

呢個辣花甲蟹煲成功，yeah！

除o左個煲，仲有餃子雞翼！

阿妹話呢個好味呢！

仲有加強版肉骨茶！

比尋日o個煲加多o左蒜頭呢！

今日兩味新菜式都好成功呢！

運動日

今日放工後同老公去完大班豆食lunch，再去街市買埋餸就返屋企lu！

尋日買o既乒乓球拍，今日正式出場喇！

返屋企前先去平台視察o下個環境！

張乒乓球枱無人用呀！

快快手手拎晒o的o野上樓就拎裝備出發喇！

4點落到去，打o左一陣就有o靚仔話要跟喇！

班o靚仔都唔弱嫁！

幾個o靚仔係咁輪老公！

以下呢個仲係咁叫老公做”大叔”添！

老公同佢o地打o左個幾鐘，就轉黎同我打羽毛球喇！

我都係鐘意打羽毛球多o的！

今日運動o左2個鐘，出o左成身汗，成個人好爽呢！

要keep住每星期都去做一日運動！

一來可以強身，二來可以減肥呢，哈！

收炸彈

是日陳太廚房出動前，當然要陪陳生去辦o的事先啦！

就係同老公去買皮鞋喇！

我o地去o左康怡吉吉島呢！

因為呢幾日有超級勁減呢！

今日我同老公都收獲豐富呀！

1.      我同老公各一對新鞋

2.      我同老公各一塊o既乒乓球拍

3.      我o既靚靚雨傘

4.      我o既西褲

當然唔少得去超市買餸啦！

老公自從知道平台有乒乓球枱後，就諗返起佢想當年喇！

想當年老公打乒乓球好叻嫁！

仲拎過冠軍添嫁！

所以要買球拍黎打喎！

準林太佢o地差唔多7點上到黎！

食飯前仲一齊交流o下去新加坡o既心得添！

咁當然仲有接炸彈啦！

食飽就玩德洲話事啤喇！

準林太阿妹仲好似飲到high high o地添！

今晚真係玩得好開心呢！

陳太廚房@20101001

今晚約o左準林太食飯！

因為要放炸彈俾我同老公呢！

本來話出去食，但之後諗諗o下改o左！

因為我諗住出去食又多人，又要趕住走！

所以就由我o既陳太廚房出馬喇！

因為今日唔係太夠時間，所以只係煮o的好普通o既餸咋！

有芝士焗虎蝦！

每隻蝦都釀入o左少少芝士，以加重個味！

跟住有煎鹿兒島豬堡同和牛堡！

跟住有燒牛脷！

仲有韮菜花炒牛肉！

豬手！

準林太買o既壽司！

同埋由新加坡帶返黎o既肉骨茶湯料煲出黎o既湯！

今晚酒微菜薄，希望無失禮林生同準林太啦！