精神返少少

經過尋日同前日o既大昏迷，今日終於都叫好返o的！

不過老公都係唔放心，要捉我去睇多次醫生！

知道老公呢兩日好擔心，因為一齊咁耐，佢都未見過我咁！

今日老公同我講，你好耐無同我講過o野喇！

咁又真係喎！

呢兩日老公放工返黎我都訓o左覺！

其實我連老公幾點放工返黎我都唔知呢！

老公見我精神返少少，佢面口當堂唔同晒！

其實唔只老公，媽咪都好擔心我呢！

老公仲問我落唔落街行o下喎！

我見精神返少少就落去行o下喇！

本來今晚老公想打邊爐，但因為我都仲係無胃口，所以順延到下個星期先打lu！

傻豬之家Sweet Sweet Honeymoon意大利之旅–Day 7(Pisa-Siena)(20090203)-Part 3

續前篇......

參觀完晒Siena主要景點，就返火車站LU！

去火車站之前當然要去食O的O野啦！

呢個就係我O地O既LUNCH+下午茶喇！

我O地搭6點4班火車，返到佛羅倫斯都成7點10個字！

咁當然即時去搵O野食啦！

就係因為下晝無咩點食，所以老公話今餐可以食豪O的喎，哈！

我O地今餐係食中餐呢，好耐都無食過喇！

今餐都真係幾豐富嫁！

返到酒店當然又係飲酒啦！

由於聽日行程唔係咁緊密，所以聽日可以訓晏少少呢，哈！

繼續病

今日又請多一日sick leave！

個人好無力，個頭又痛！

o的藥食完個人就係咁訓！

尋日全日只係食o左個飽！

如果唔係因為要食藥，我諗我連飽都唔想起身食呢！

好耐都無病得咁辛苦喇！

究竟幾時先好返嫁！

傻豬之家Sweet Sweet Honeymoon意大利之旅–Day 7(Pisa-Siena)(20090203)-Part 2

續前篇.......

之後就去返火車站LU！

不過，老公唔記得買多張巴士飛，搞到行O左差唔多半個鐘先搵到間”T”字SHOP咋！

最終都可以買到巴士飛返火車站！

之後搭1點半班火車去Siena！

去到Siena都成3點3 LU！

Siena本來係同佛羅倫斯進行過政治角力O既皇帝派城市！

佢O既街道同建築物仍保留住濃厚O既中世紀色彩！

我O地搭巴士去Siena 出名O既錫耶納田野廣場喇！

呢度唔算難搵！

不過一入到Siena城，感覺真係好古城FEEL！

因為佢幢幢屋都係一樣顏色，都係用啡色磚起成！

感覺好似去O左一個唔文明O既城市咁！

不過感覺都唔差，比起之前O既幾個城市好唔同！

我O地本來想上個鐘樓樓頂嫁，不過去到先知原來佢收3點半！

個COUNTER賣飛O個個人仲叫我O地明天請早，10點半黎過喎！

雖然上唔到鐘樓有少少失望，但週圍環境已經可以睇餐飽！

大家見唔見到中間有個少少噴泉呀，呢個叫做”快樂噴泉”喎！

因為佢無水噴，所以初時我同老公都無留意到呢，哈！

呢度就係市政大樓喇，而鐘樓就O係呢度裡面！

跟住我O地再行上少少，去一個唔知叫咩O既教堂參觀！

意大利真係好多教堂，裡面全部都好宏偉！

尤其係O既雕刻品！

跟住就要搵路返火車站LU，途中有唔少教堂同得意O既櫥窗裝飾！

待續…….

傻豬之家Sweet Sweet Honeymoon意大利之旅–Day 7(Pisa-Siena)(20090203)-Part 1

住宿：Luna Rossa (Hostel)

是日行程：Pisa斜塔, 主教座堂,洗禮堂– Siena錫耶納田野廣場,市政大樓,快樂噴泉 – Florence佛羅倫斯

 

今日7點9出門口，因為要出城呢！

我O地先搭8點幾O個班火車去Pisa！

去到Pisa火車站大約9點半，之後就搵車去Pisa斜塔喇！

不過，我O地先去買今日下晝去Siena ，同埋由Siena返佛羅倫斯O既火車飛！

呢度O的巴士路牌唔係咁FRIENDLY，都搵O左成2個字先知搭邊架車去！

去到斜塔大約9點10個字，之後當然係即飛去搵賣上斜塔O既飛啦！

好好彩可以買到10點上斜塔O個輪O姐，唔係又要等多半個鐘先可以上去！

一踏入斜塔一刻，成個人有少少冒，可能係因為斜O左掛！

之後要行唔知幾多級樓梯上去！

由地下行上去，都要成個幾字嫁，仲未計中間休息喎！

所以實際上到塔頂，可以睇風景O既時間只係得大約20分鐘咋！

不過我O地當然用盡O的時間，影晒成個Pisa市O既風光啦！

10點55分就趕人落塔LU，因為要清O左場先可以俾下一班人上黎！

斜塔O係1173年開始動工興建，最初本來係向北面傾斜，經過之後O既修築先變成宜家向南傾咋！

我O地返到落黎先再慢慢影相！

我O地仲入埋主教座堂同洗禮堂添！

\

行晒O的古跡，就去買手信喇！

不過全部都係買俾自己O既！

我O地買O左一個斜塔、一支斜酒同埋一張Pisa枱布呢！

呢O的會全部擺晒o係個廳度做擺設呢！

待續……..……

生病了

今日終於頂唔順，請O左一日病假！

放完假返黎呢兩個星期，真係忙到嘔！

O係公司係無停過咁做！

星期二個下晝仲要去珠海睇廠！

搭12點半船，之後搭5點船返香港，仲要拎個版返公司！

其實星期一O個日已經開始唔舒服，但係死頂！

尋朝去睇醫生，醫生話我感冒導致耳水不平衡，搞到頭冒同嘔！

醫生寫O左兩日假俾我，但我尋日都有返工！

因為實在太多O野做，唔返唔得！

今朝一起身真係好唔掂，所以就請O左今日假！

有時諗，做得咁辛苦為咩，但唔做又唔得！

宜家食完藥訓醒覺好好多喇，但係個人仲係好無力咁！

好彩呢個星期六短週，不過聽日返工又要俾媽媽叮一大餐喇！

傻豬之家Sweet Sweet Honeymoon意大利之旅–Day 6(Florence)(20090202) - Part 3

續前篇.........

去完聖十字架堂，老公仲帶去米高安哲奴廣場添！

因為老公話要帶我去睇日落！

我o地就係行呢條咁長o既樓梯(仲有o的係睇唔到嫁！)上山喇！

因為今日陰天，所以見唔到日落！

不過個景係超靚呢！

可以睇晒成個佛羅倫斯！

仲見到o係佛羅倫斯3個大衛像其中一個添！

呢個係仿製品，正品過多兩日先去一睹佢o既面目！

之後，又行返o個條長命樓梯落山lu！

其實係拎苦黎辛，可以搭巴士嫁！

不過咁樣仲好，仲浪漫同可以睇多o的風景！

落o左山，就行返去市中心lu！

途中經過呢條舊橋(Ponte Vecchio)！

呢條係佛羅倫斯最古老o既橋樑！

我仲有食雪糕添！

經過名店街，行o左入Gucci！

呢間Gucci係成個意大利o既總店！

我o地6點9行入去(人o地係關7點半)！

我o地玩到7點9先走！

不過係一樣o野都無買到！

因為老公o個個銀包佢無新，所以連帶埋我o個個都無買到呢！

等第三日先再去另一間Gucci睇o下有無先決定點！

不過我最欣賞係呢度sales o既service態度呢！

我真係俾足101分嫁！

買唔到o野而o的店又關晒門，所以就去食o野lu！

呢度就係我o地今晚晚餐o既地方喇！

我o地食o左個好好味o既佛羅倫斯牛扒同炒龍蝦！

跟住返房仲飲埋今日先買o既紅酒添！(不過唔記得影相！)

聽日會走出佛羅倫斯，向Pisa同Siena出發！