Boxing Day Gathering

幾經辛苦，終於都搞得成今日O既Boxing Day Gathering！

約O左6點半，但由於老公要去廁所辦公，所以搞到遲O左出門口！

搞到平時唔遲到O既我都要6點9先去到！

但我O地都係第一對到嫁！

今日目的地係關太屋企！

我O地未到， 預先叫O既到會已經到O左LU！

食完晒，班男人就O係度玩WII！

我O地女人就開枱！

不過玩之前就係玩送禮物！

因為未來林太29號生日，所以我O地三位靚太就夾份送份生日兼聖誕禮物喇！

除此之外，我仲每人送多份聖誕禮物呢！

講返打牌！

今次唔打錢，打玩飲酒！

我今日都唔係出O左好多沖咋，係出O左一次9番，飲O左9指！

玩到12點零就走LU，因為未來林太明天有要事辦，王太就因為路途長遠呢！

自家製聖誕大餐

一年一度O既自家製聖誕大餐又黎喇！

今年有埋叔仔同阿妹一齊過！

打完牌後再打XBOX，開開心心過O左一日！

我O地今年聖誕大餐好豐富嫁！

水蜜桃伴鵝肝！

牛扒！

蒜香黑豚肉！

照燒汁銀雪魚！

燒帶子！

紐西蘭鮑魚！

澳洲鮑魚！

芝士焗大爆蝦！(本來想整芝士焗龍蝦，但無龍蝦賣呢！)

蜜瓜伴巴馬火腿！

青口青椒焗千層麵！

忌廉湯！

德國Thomas Hard Anodised系列

今日去換O左個24CM平底鑊喇！

因為宜家個鑊唔係咁O岩用黎煎牛扒！

都係平底鑊煎好O的！

其實惠康一出呢個印花換廚具，我同老公已經諗好要換嫁喇！

係估唔到咁快可以換到O姐！

老公計過條數，話儲280個免費換係無儲140個加$159.9換咁抵喎！

所以今日就加錢換喇！

今日係ENJOY 咭95折，原來加錢換O既呢個鑊都有95折！

加埋ENJOY CARD GROUP 月結有多95折，所以呢隻鑊係9折呢！

呢個鑊係專係FOR 老公用O既，因為煎牛扒係老公O既強項呢，哈！

老公聖誕就可以用呢隻鑊煎佢已經訂好O既肉眼扒俾我食喇！

送給媽媽的聖誕禮物

今年我同老公準備O左一份聖誕禮物俾媽媽！

話說媽媽同姨媽、四姨佢O地有一行街！

佢O地行過OSIM，咁師奶們就走入去試O下喇！

四姨已經買O左一個，咁姨媽同媽媽試過，又話覺得好好！

但當時無貨，售貨員俾O左張COUPON佢O地遲O的去買！

跟住媽媽返黎同我同老公講！

每次見到OTO個廣告，媽媽都成日起勢咁講話想買！

我同老公知媽媽好想要！

咁就去買黎俾媽媽喇！

媽媽份聖誕禮物就係..........！

OSIM 肩頸按摩器！

我買時試過，輕力都覺得好鬼大力，都唔係幾O岩我！

不過媽媽鐘意，只要佢老人家開心就得LU！

歷史第一金

行完工展會返到屋企，播緊香港對日本東亞運決賽！

身為香港人，當然想香港贏啦！

法定90分鐘1比1，要加打時！

我同老公都認為，因為體力大家都不相伯仲，所以都係守住唔好俾人入波就得！

其實加時有幾個位係好有機會，但可能O的球員體力真係透支喇！

終於黎到射十二碼！

上場香港都係射十二碼棄走北韓！

但今次射十二碼第一球就射失！

當時真係好擔心就係咁樣就無O左個冠軍！

成場我覺得表現得最好係個龍門！

佢反應好快，其實第一球日本個十二碼，佢係捉到嫁！

但可惜個波撞內柱流入網！

好彩有驚無險，香港連射入4球！

香港隊每個球員都表現得好好，尤其係個龍門啦！

香港足球隊係有史以黎，第一次拎大賽冠軍！

仲要今次係O係亞洲強隊日本手上拎冠軍！

有O左呢第一金，我相信香港足球一定會做得更好！

我O係屋企睇電視都叫到宜家聲到沙晒呢！

香港隊好波！

血併工展會

今日係工展會開鑼日！

同老公一早傾好第一日就去！

長週放O左工之後，就搭地鐵過銅鑼灣JOIN老公喇！

我O地先去O左金百利7/F食法國菜！

O的O野都OK，不過略嫌O的SERVICE差O左少少！

之後就出發去工展會LU！

入到去，嘩，多人到呢！

尤其係壽桃牌O個檔！

我都真係唔明點解會咁多人買！

因為價錢真係同平時差唔多咋喎！

我O地今日主要目的係買湯包！

仲有買百草壺煲中藥！

行O左無耐我同老公就O係東方紅買O左8包湯包同2盒螺片喇！

跟住再行、行、行！

行行O下仲見到有湯火藥賣！

O岩晒我呢O的成日會煮飯，但次次都會俾隻鑊整親O既人喇！

$30支，買兩支仲有個旅行袋送添！

最搞鬼係佢可以用八達通俾錢呢！

O係工展會真係好少見囉！

行到6點，已經大包細包喇！

總結O下今日O既血併成績：

1. 東方紅8包湯包SET

2. 東方紅2包螺片

3. 美亞2.8L煲一個

4. 神農3.5L百草壺一個

5. 湯火藥2支(送旅行袋一個)

6. 官燕棧紐西蘭一頭鮑一罐

7. 官燕棧澳洲一頭鮑一罐 (送菇片一罐)

8. 官燕棧6包湯包SET

9. 官燕棧冬菇一包

10. 好味牌辣椒醬2樽(原味同咖喱味)

11. 野生鱷魚肉一包

不過拎到我同老公手軟呢！

買O左個百草壺就可以去睇中醫，調理好個身體，準備另一個階段開始呢！

是日笑話

今晚食飯時，媽媽問O左個令我同老公"O"晒咀O既問題！

媽媽問："咁我打牌骰開18，咁即係開邊個呀？"

老公同我即時對望！

因為話晒媽媽都打O左成幾廿年牌，無理由唔識嫁！

之後媽媽仲係咁搞亂晒上下家！

明明係上家又話下家，下家又無端端變O左上家！

老公同我講O左好耐佢先明點解18係開自己！

原來媽媽阿姨佢O地尋晚打牌，O係呢個話題搞O左好耐！

佢O地自係話個個都話18開自己，但唔知點解！

老公真係差唔多火到黎埋！

因為媽媽講O左好多次都係講錯！

老公最憎人同一樣O野係錯兩次囉！

見到佢兩個O既對話真係勁搞笑！

我真係覺得佢O地好融洽呢，哈！

心力交瘁

自從4年前轉O左工以黎，我都無O係公司喊過！

不過今日真係忍唔住！

先有其中一個OPPS出問題，無端端俾直屬阿姐用無理O既語氣黎話我！

但其實件事係唔多關我事！

跟住仲有俾DEPARTMENT大阿姐屈！

仲要話"我宜家係幫你補鑊！"

但其實隻鑊係佢自己搞返黎！

我都係被動O個個！

同一日裡面俾人屈兩次！

加上有少少病，終於都忍唔住要爆發喇！

不過喊完之後，兩個阿姐都對我態度一百八十度轉變！

咁都叫做"我O既眼淚無白流！"

AIR SUPPLY Never Ending Love Concert

O岩O岩過去O左O既結婚一周年，老公準備O左好多SURPRISE俾我！

咁我當然要俾返多O的SURPRISE老公啦！

今日長週，O係公司上網時，俾我發現到AIR SUPPLY再O係香港開CONCERT！

老公"想當年"識唱AIR SUPPLY好多歌嫁！

仲唱得好似添！

佢O地6月時開CONCERT買唔到飛，今次點都要買黎同老公睇嫁喇！

話晒AIR SUPPLY都差唔多成60歲喇，都唔知仲會有幾多次機會黎香港開CONCERT呢！

下個月19號就係喇，呢份就當係其中一份送俾老公O既聖誕禮物啦！

希望老公會鐘意啦！

陳太廚房@20091108

尋日因為去O左試酒會，所以無煮飯！

不過我都係會堅持每星期煮一次飯俾老公食！

因為要有老火湯潤一潤O麻！

今餐非常豐富，搞到唔使食飯呢！

芝士焗肉蟹配伊麵底！

芝士焗龍蝦就成日見，所以今日就試O下新O野！

肉蟹好入味，老公激讚！

椒鹽斑馬拉瀨尿蝦！

O的斑馬拉瀨尿蝦好新鮮嫁！

所以好鮮甜！

露荀雞脾菇牛肉卷！

呢係係自創菜式！

都OK嫁！

煎蠔餅！

一共煎O左兩底，一底失敗O左，另一底就好成功呢！

當然唔少得老火湯 -- 猴頭菇螺片湯！

每個星期煮飯就係我最開心O既時間！

新都城中心@20091107

今日老公應承同我行街！

我O地揀O左去新都城！

至於點解，陣間先講！

因為我講O左好耐想去食韓燒，所以老公就陪我去食LUNCH喇！

好滿足呢，因為講O左成年幾，老公終於同我去食喇！

食飽飽就開始行街喇！

但佢有個由恒生乒乓球學院搞O既FUNCTION！

老公話佢好耐無打過喇喎，所以要去排隊玩！

老公成日都話"哼......想當年我呀.........打乒乓波好叻嫁！"

咁呢個我都知，佢話晒都叫O係學院時拎過雙打冠軍嫁！

老公除O左佢自己玩之餘，仲有幫我玩禮物返黎嫁！

就係唔同顏色O既乒乓波鎖匙扣喇！

不過仲爭個黃色先儲夠一套呢！

今日點解去新都城呢..........！

因為呢度個百佳有個試酒會呢！

我同老公又去試酒喇！

不過試飲O既都唔好飲！

所以今日酒柜無進帳呢！