見到個subject，就開始feel到仲有唔夠一年我就會成為陳太！
呢幾日老公成日都叫我"老婆"，佢以前係叫我"老婆豬"嫁！
"老婆"呢個名好好聽，我好鐘意！
比起對上一個10日，我o地都無咩進展，只係confirm o左第二輯婚紗相o既衫同埋結婚當日o既first round confirm衫！
原來婚紗相o既衫同bd 當日o既衫真係好唔同，我唔識形容，只係覺得bd 當日o既衫會靚好多！
下個星期就可以收到小禮物lu！收到後包裝好，我諗今年內可以完成project o既其中一個task！
宜家諗o下買定租馬褂好，裙褂我就一定唔會買嫁喇，因為我要o既金銀線太貴喇！上廣州買都要成$2800！
馬褂就平好多，但都要去睇o下租要幾錢先決定！
下一步要confirm o既就係o係邊度租男禮同姐妹衫！呢兩個task我一o的idea都未有添，點算好呢？
今日終於都約好時間上去first around揀衫！
4點上到去，點知Dorothy同Annie 話無我booking喎！我明明有約到嫁o麻！
不過佢o地都俾我揀衫！
試o左件一字肩拖尾婚紗，因為訂造o個件係low cut，所以呢件要唔同款o既！
件婚紗個拖尾可以拆出黎o既！即係有又得，無又得！呢個款我著起都ok嫁！我就覺得好靚！
跟住試o左件湖水綠ball gown！呢件個款就ok，不過下次再試時會再試多幾款先，我同豬豬都覺得不凡o左o的！原來我著藍色係無綠色咁好睇嫁！
跟住試敬酒o既紅色A-Line！原來我著紅色都得嫁喎！比起後尾試o既金色，咁紅色就好好多喇！
再試埋送客件粉紅色散裙(即係要落鋼，但唔使鐵線)，呢件著得我好得意，成個小公主咁！
試咁多件衫，我最鐘意呢個款！
總共4件衫，4件都係唔同o既style！我就係要咁樣，我唔想好似Iris o個日咁，3件eg都係 ball shape！
我諗出年8月我去confirm衫時，我都係會揀1件Ball Gown，1件A-Line，同1件散裙！我要件件出黎個款都要唔同o既！
不過豬豬覺得貴嫁！後尾佢都話o的衫都好靚，貴都值o既！
佢都係最鐘意我著粉紅色散裙，我o地兩個個taste都真係差唔多！
Dorothy同Annie仲話我倆個笑起上黎好似樣，佢o地都唔知係第N個咁講lu！
Dorothy同Annie都話今日終於都試個瘦o左，佢o地話今朝o個兩pair都係肥肥o的嫁喎！佢兩個仲叫我keep 住宜家咁，唔好再俾佢瘦落去，因為佢o地話我宜家個figure著衫先好睇喎！
佢o地話結婚前一定會再瘦o的，所以千叮萬囑我要keep住宜家咁，唔係到時再瘦著衫就唔好睇嫁喇！
同埋仲叫我千祈唔好再去曬太陽，因為佢o地都知道我係一個容易黑，但唔容易白o既人！到時有泳衣印咁就真係無辦法喇！
佢兩個仲話我唔戴眼鏡個樣細個好多添！
真係好想快o的到出年8月再做confirm！
今日長週，要返工呀！
放o左工就先返屋企，因為豬豬唔使返工，咁咪返去食埋晏先再出去試衫！
本來book o左6點，後尾食緊tea o個陣豬豬打去問可唔可以改早o的，咁就5點3喇！
上到去有pair人o係度傾緊之前佢o地開o個個plan，我o地就開始去揀衫！
佢衫就真係有好多，不過好多都唔可以出去影相，只係for 租衫用！
我諗租衫佔全部衫o既6成啦！
相比上之珠海現代經典，呢度o的衫真係唔係好得！上次係因為衫多所以試o左好耐，今次就相反，就係因為少衫所以揀好耐！
一黎我已經講明我要前短後長拖尾o既婚紗，佢o地搵o左成2-3個字先搵到，我幾驚無呀！阿娜姐仲話見係我就俾我拎出去影喎！
我心諗，你講o姐，如果真係唔出得，你都唔會俾我啦！
試o左上身之後我覺得件衫好得意，好可愛！呢件主要出外景沙灘用o既，因為睇過其他人o的相，出黎個效果都幾靚！
今次我無揀其他拖尾，因為佢出得街影相o既拖尾款都無咩得點揀！我揀多件上身掛頸o既婚紗，下身其實好plain，不過我鐘意佢上身o姐，因為終於都唔係low cut！
之後揀o左3件晚裝：1件粉紅色(只係準俾影室內)，1件粉藍色同1年掛項V型綠色！
今次o的衫同上次珠海o的衫風格都好唔同！梗係啦，唔通又係件件low cut咩！
我試完就到豬豬試喇！
豬豬揀o左：1件黑色襯金色邊，1件黑色暗橫紋同1年白色襯銀色繡花邊！
豬豬3件都係上次無著過o既！
今次一個總結係...............o的衫好少款，希望影出黎個效果滿意啦！
俾埋尾數，約埋下個月22號3點final fitting，同埋出年1月12號3點揀相！
宜家要等佢覆下個月尾去影間酒店book 多兩晚幾多錢，因為我o地26號會先上去，27號開始影，28號影完再stay多一日先返香港！
個package包o左1晚酒店，即係我o地要住多兩晚！
咁樣玩一玩，都玩o左成4個鐘呀！好彩早o左9個字上去咋，唔係咪成10點先走得！
希望下個月呢輯婚紗相ok啦，但我o地最多只係會加2張相！
無錯，係2張，因為個package包88張，加2張即係90張！
預佢總共有9個景(暫時我知o既有花海，葵園，仙湖，室內)，咁每個景都係揀10張o姐！
希望最後呢輯唔會out budget啦！
揀緊衫時有pair人上黎睇租衫，咁阿娜姐就好招呼佢啦，我隱約聽到好似佢o地出年4月bd，但仲未揀定租衫喎！個package好似係$5XXX有5-6件衫掛！個女仔後尾話想考慮下，咁阿娜姐又使出佢o既功夫喇，到最後，個pair人都係join o左！
其實若果佢o地想睇多間o既，咁就兩個夾好o的啦，問個男o既點睇，男o既又話主要睇個女o既，咁"你鐘唔鐘意丫！"又俾返個波個女仔！
如果俾我同豬豬，我話要想考慮o下先，佢一定會配合我，話再行o下先再決定！個個sales都會話走o左再返轉頭就唔會有咁多優惠嫁啦！咁係唔o岩就唔o岩，我唔會迫自己去join嫁喎！
今日係2007年11月23日，明年今日，我就會由陳小姐成為陳太！
可能對其他人黎講係無特別，但對我同豬豬都係一個值得記念o既日子！
本來約好出街食飯慶祝嫁，但...................
我俾Judy捉住做粵菜AOP，豬豬都唔好得我好多，要同老細加一個有精神病o既女人開會！我兩個真係火都黎埋！明明可以開開心心食飯慶祝，就係因為一o的無時間觀念o既人累到我o地今日唔可以去打邊爐！
最後？！咁當然係買外賣返屋企食啦，豬豬仲要到宜家都未返到黎添！
雖然今日無得出街食飯，但今日個感覺好特別，我唔識形容，我只係知我覺得好開心同sweet sweet！
仲有一年時間咋，我要為o左我o既終身大事努力！
好期待明年今日！我就會成為陳太！
今日豬豬返大陸呀，不過上去之前我o地有sms喎，好耐都無試過lu！哈.......
返到去一陣，Pippo返o左黎，同我傾o左陣！
我好明確咁話佢知，我唔想做ERP，雖然我知hold ERP 個project我會係leader，但要由零開始，我怕我出年未到結婚已經得半條人命！
跟住佢就話幫我約Maria傾o下！
大約10點半倒啦，Maria終於都得閒同我傾o下！
一開始佢就話其實Management知道我想要咩，Judy、Peggy同Pippo都有同佢講過，所以佢話佢有必要同我傾一次！
佢意下係想我做Packaging，其實經尋晚o既思考，我覺得Packaging 對我將來發展會好o的！因為行頭闊過什購組！
雖然我都知Packaging 會大壓力過什購，但我相信我有信心handle到！
我亦同Maria講我有興趣做Mooncake Packaging，但Maria commit 唔到我，因為係Minda 決定派邊個去hold 呢個對公司大影響o既project！
傾o左大約半個鐘倒啦！so far Maria俾到我o既感覺係肯定o既，仲話其他同事都讚我工作表現，咁都幾開心嫁！因為有咁多人認同自己！
今日有好多個人問我："Maria 搵o左你傾未？"
原來事綠係尋日佢o地開會，原來開會期間傾到我o既去向！原來個個team都想我過去，Minda、伍生、Ringo、William/Judy都話想要我！
聽到Minda 講o個一刻係真係開心嫁，因為我覺得有人爭即係代表我能力得，如果唔係都唔會有人想要我過去！
我問Maria 時間即係幾時，Maria最後都係commit唔到我幾時，只係可以commit到maximum 半年，只要有人replace我個位，因為始終我都仲o係呢間公司做，所以就算我真係轉o左team個新人有咩唔識，我都仲可以教到佢！
阿Cliff亦都同我講，你要有心理準備o係呢個transition period你會好辛苦，因為要兼顧兩面同埋要適應Minda o既處事作風！
我相信我會handle到！因為我咁辛苦去爭取呢樣o野，我唔想俾人認為我係揀錯！
聽日就係1123喇！聽晚會出街食飯！
今日係倒數370日喇！
呢10日裡面，只係做o左：
1. 拎o左件婚紗(真係好鐘意！)
2. 買o左小禮物o既盒仔
等12月收到小禮物批貨，就可以入盒lu！咁即係話最遲出年1-2月就會搞掂小禮物lu，又可以煩少一樣o野！
我其實好想post件婚紗同盒仔出黎，但唔知點解屋企部電腦無o左左手面upload相個icon，可能係我部機中毒太深！
唔得，遲o的真係要整返好，share o下俾大家睇！
個rundown係無進展，因為公司實在太多o野做喇，我跟本就無時間去做！
今個星期六就去揀衫影第二輯婚紗相lu，希望到時揀到衫啦！換言之，婚紗相尾數都要俾lu！
今日返到公司，收到伴娘Brenda send俾我o既愛的宣言！真係好多謝佢咁早己經開始諗我bd o個日！呢個伴娘真係無揀錯！
由於尋晚飲o左酒，所以原本諗住10點起身，就到成11點先起身！
11點9出發，第一站係得雲宮飲茶！
o個度o的o野食都幾貴，飲o左成81.3呀！仲要加一喎！下次都係唔去呢間lu！
跟住就出發到藝景園喇！
我o地o既target係小禮物盒仔！行o左成4條巷先開始搵到第一間有，一開價成1.5，最後講到1.35，仲要話已經係最平！
咁我o地個budget係1蚊個嫁o麻！咁當然就再行多幾間先啦！
搵到一間一開價1.2，後尾講到1.125，仲可以指定要邊幾隻色！但因為個檔口無咁多貨，所以我o地要等半個鐘先可以有！
咁就行埋剩底幾間啦，有一間可以做到1蚊，但唔可以分色，有咩就要咩！佢o地咁o既態度，我梗係唔幫襯呢間啦！
過o左半個鐘之後返去第二間，點知要o個4款得粉紅同粉藍有100個！不過唔緊要，咁樣仲好，俾我o地諗到主家席係要唔同o的o既！
所以total要o左6款顏色！最後成交價1.1一個，總共買o左400個！
原來400個都幾重嫁，我o地拎o左返酒店先再出過去！
之後去o左沈生湯館，但因為仲未開晚市，我o地去o左對面間蜀樓香度打邊爐！今次食麻辣湯底加1斤田雞加1斤花蟹，再叫o左黃sin同羊肉！
食完之後過沈生湯館飲湯，但由於已經成8點，所以得返好少湯揀，我o地揀o左兩個好特別o既湯，兩個都好好味嫁！
之後就返酒店lu，因為要睇台慶頒獎禮！一路飲酒，一路食炸風蝦，真係爽呀！
今日同平時返工起身時間差唔多，都係6點9起身！
搞好晒都成7點半lu，就開始出發喇！
首先梗係去o左食o野先啦，跟住就出太子搭巴士上廣州喇！
架車準時8點半開車，經過2個半鐘就去到廣州，再去埋廣州賓館就o岩o岩好3個鐘！
比起上深圳搭火車用多1點半鐘，但兩個人可以平成$60嫁！
今次終於都可以申請到廣州賓館VIP咭喇，咁下次再去訂房就可以有8折！
check in完就去o左廣州賓館3樓o既"銀燈食府"食lunch飲茶，o個度o的o野都幾貴嫁，因為要加一丫o麻，廣州好多酒樓都唔使加一嫁！好彩有VIP咭有9折，咁都無咁蝕！
食飽飽就出發去上下九行街，好可惜我o地咩都無買到喎！
見仲有時間，咁就去拎埋件婚紗喇！
好開心呀，終於都見到我件婚紗lu！一入去佢o地都認得我o地！
第一次試o個時，其他個個位都fit，係背脊位好鬆，可以擺得落一隻手，咁就叫佢o地再車埋o的啦！
o係等o既時候，我o地去o左海珠酒店o既中菜店食下午茶(不過都成5點喇喎！)！
食完6點，就再去拎返件婚紗喇！今次試得好fit呀，o岩晒身！咁就俾尾數埋單lu！
以下係我o既婚紗link：
http://hk.blog.yahoo.com/organize/album_list.php?fid=15&type=photo
同個老細傾o左兩句，話其實金都有好多婚紗店都係同佢拎貨，仲要係訂造添！佢都話o係香港買貴過上去買好幾倍，呢個我非常認同，所以我答佢"所以我咪自己上黎廣州囉！"
個老細見又送手套、裙蓬、頭紗，仲要送埋披沙添！咁另一個sales就用普通話答佢，"佢o地識晒包o的咩，無得扼"！其實$600係已經平o左，宜家仲要送咁多o野，咁個老細當然唔高興啦！
哈，梗係啦，經我同豬豬計過、算過o既o野，當然要係最抵嫁啦！
拎o左件婚紗返酒店，跟住就出去食飯lu！
我o地去o左食"粥家莊"，o的粥好大窩嫁，所以我o地無食到！不過個炸風蝦就好大碟，我o地要打包去花街90！
o係花街90叫o左1打啤酒，送o左2枝！我o地由9點玩到12點幾，飲剩6支拎返酒店，聽晚一路睇台慶頒獎，一路飲酒！
第一日行程完畢，黎緊仲有第二日！
由於尋晚打牌打到成2點先返屋企，所以今日訓到成3點半先起身！
本來今日豬豬女麻女麻做生日，因為豬豬一早約好班fd去食buffet，同埋我o地訓晏o左，所以原本話去荔景都無去到！
我o地5點半出發去黃金海岸，先去荔枝角，再搭52x巴士入去！
架車去到美孚o個陣，紫茵同叉燒上o左車，我o地都睇佢o地唔到嫁，係紫茵叫豬豬o既！
入到黃金海岸差唔多7點lu！原來周科一早就入o左去，佢同yuki已經開始食緊lu！
今次無前兩年去o個時咁好味，我個人認為差o左囉！
同場有3pairs 人擺酒，咁我同豬豬好奇之下就走去睇o下人o地o的相喇！
食到10點半左右啦，就搭車返屋企lu，因為聽日仲要返工！
今日係倒數380日，等我又update o下自己先：
婚宴日期：2008年11月23日
婚宴地點：德福美心皇宮
註冊地點：2in1 佳偶天城 
婚禮攝錄：Picasso Wedding
婚紗相 ：第一輯已影，12月底有相睇 (珠海現代經典)
第二輯已book 12月底影，11月底揀衫 (以馬內利)
第三輯未book，仲諗緊book唔book好 (法國或蒙羅麗莎)
化妝 ：Decor Square -- Ashlee
會場佈置 ：仲未落訂喎
餅咭 ：西餅咭(美心)+唐餅咭(奇華)
紅酒 ：24支貴價+36支平價，共60支
小禮物 ：已落訂，12月底起貨
小禮物包裝：已有頭緒，等下個week去廣州再決定
婚紗禮服 ：已訂造1件平腳婚紗
其他(1婚紗+3晚裝) 溋集坊
裙褂 -- 錦發
男禮 -- 仲未開始搵添
結婚戒指 ：已有心水，但會再考慮，因為budget問題
今個倒數比上個倒數做多好多o野喇，好多o野(綠色highlight部份)都confirm晒lu！
估唔到o係呢10日內confirm o左咁多o野，自己都覺得係威喎！
不過，最緊要都係有豬豬幫手，如果唔係一支竹係唔會響嫁！
唔知下個倒數又會做o左幾多o野呢？我諗都只係剩返o的濕濕碎碎o既o野，但諗諗o下都好似仲有幾多濕碎o野！
我宜家諗到o既有：
1. 利是封
2. 褂鞋+禮服鞋
3. 對聯
4. 龍鳳被
5. 衣食碗筷
6. 印帖公司
7. 頭飾+首飾
8. 敬茶茶壺 (已買)
9. 抽獎用禮物 (已準備部份)
10. 花球
11. 過大禮用品
我知仲有好多嫁，但我只諗到咁多咋！
今日阿Chloe妹返黎搵我食lunch！
我o地去o左食pizza hut！
Chloe妹瘦o左呀，同埋精神o左！作為一個朋友都替佢開心！
今朝返到office，Peggy又係一早返o左黎，佢又過黎同我傾o左一陣！
佢問我有無興趣做Packaging喎！咁我老實答如果有得俾我揀，我當然揀用具組啦，因為成功感好似會大o的！
佢仲講o左好多o野，大致上係話我o係呢個時候講轉team，係威脅緊公司，因為佢話若唔轉我team，我就會走喎！又話佢有好多阻力喎！
其實我想轉team唔係今日o既事，o係Iris未resign前我都已經講嫁啦，係佢一個唔知o姐！我唔知係佢咁諗定係Maria咁諗啦，不過呢o的都唔到控制，佢o地要咁諗都真係無辨法嫁喎！
Anyway，我亦都有興趣做packaging o既！如果係俾我handle中央產品o既packaging！
由於尋晚o既藥太過勁o既關係，原本日日6點9起身o既我，今日成8點9先起身！
我叫豬豬自己返工先，跟住起身我就打俾Iris，話佢知我有少少唔舒服，晏o的先返！
返到公司10點3倒啦，個個都知我病，所以都無話我喎！
返到去就做做做，真係好辛苦呀！
夜晚臨收工o個陣，Pippo話同我傾o下計！
o下！唔係呀o麻，又傾計，呢兩個week我都傾o左好多次喇！
不過，今次Pippo講o左o的好消息俾我知，話我知Maria同意o左Maximum 六個月，六個月內我可以轉到我想轉o既team！
佢仲話如果Maria叫我傾計，話叫我講想做Overseas buying，因為公司未來動向係會o係東南亞develope 個remote 或者駐當地office，咁我個career path會好o的！
佢仲叫我千祈唔好話佢講嫁喎！
其實未黎呢度做之前，我都係做 Overseas buying嫁啦！其實我都鐘意做overseas！
至於food 定 non-food，我真係無咩特別，都係基於purchasing o既concept去做buying o既o姐，所以food 定 non-food都無所謂，最重要o既係我可以去buy o姐！
今日終於都打敗o左喇！
話說豬豬已經病o左幾日，我都知自己會中招嫁喇！
可能因為尋日個婚紗展做o左太多decision，用o左太多腦喇！
加上夜晚豬豬又成晚咳喎，每隔一個鐘咳一次，我就醒一次，就咁就中招喇！
今晚6點正準時收工，去到樂富6點半，我等o左成9個字先有得睇醫生呀！
阿醫生話"你都知咩事嫁啦，係感冒呀！"
我夠知啦，成個人好累，仲成日發冷添！唔係使咩黎探你喎！
宜家婚禮只係爭租衫同場地佈置未落訂confirm，但其實都已經confirm嫁喇，只係爭俾錢人使o姐！
計o下計o下，已經使o左budget o既3份1喇！希望到最後唔會out budget好多啦！
呢個11月同10月一樣，個個星期六+日都有appointment，希望辛苦埋呢個月，可以hea一排先再搞啦！
再係咁落去真係人都癲呀！不過又癲得開心喎！真係拎黎賤！
今日同豬豬、阿謙同Maggie去o左婚紗展！
我o地2點鐘倒去到啦！一開始就去hall 7先，因為要買奇華餅咭！
首先睇o左奇華一陣，但都係行完hall 7 先再去買！
期間睇o左帖，格過價後，我諗我o地都係會join 心印，因為我o地要o個款帖呢間最平！但呢o的都係出年expo先confirm啦，唔使咁快！
買o左32張金雅喜同1張金盈喜，盛惠$1500！
買滿$1000有抽獎，我抽o左20獎，係水晶鞋一隻！
之後就落hall 5 喇！
去到就走圍行o下先啦梗係！hall 5主要目的的2in1佳偶天成同Loretta o既紅酒！
我o地o係2in1都玩o左好耐，都成個半鐘呀！同豬豬商量o左好耐，因為出門同入門一係7-9a.m.，一係1-3 p.m.，咁計過度過，都係1-3 p.m. 出門同入門最好！
最後都決定booking，但做緊promotion o既浪漫花園3點3俾人book o左，我o地只好要貴o的o既空中城堡3點半！
不過到時就要辛苦班兄弟姐妹喇！
之後過o左Loretta度試紅酒，我o地都試o左4款酒，都係之前上office試o個隻澳洲紅酒比較好，因為易入口，大部份人接受到！但由於班賓客係傻o既，所以都揀o左o的低價o既for 佢捭酒用！
今日又完成o左3樣o野喇，連我一路最驚o既註冊都confirm埋，一天都光晒！
話晒要上網同人鬥快拎籌先可以揀到心水時間，若揀唔到心水時間咁就pk喇！成個rundown要再整過，到時真係唔知點算，我最怕就係o的o野咁迫先完成！
我知豬豬今日都好累嫁喇，不過真係好開心豬豬肯為我o地o既婚禮出分力！
因為之前都係我做research，好多o野都係我自己落手落腳去搵同design，雖然豬豬都係做最後決定o個個，但今次真係好欣賞佢今日o既表現！因為佢病緊都重陪我去行，我真係要再對佢好o的喇！
其實繼 Iris resign之後，先有Judy，後有Pippo，今日仲有埋Peggy同我傾計！
話說今朝因為豬豬要搭船去順德，佢一早6點3出o左門口，而我就因為唔想同人迫，所以7點9出門口！
返到公司唔夠8點3，點知Peggy已經返o左黎！
因為得我o地兩個，佢突然之間問我Maria有無搵過我傾計，又話想同我傾計！
佢問我其實想點，我咪話我想轉team囉，其實食品同非食品都無所謂，只要係我想做o既就得！
睇得出佢想我黎o係 non-food，咁我自己都想去什購組，但佢好似expect我過包裝喎！
佢仲話我commit你半年內可以轉！嘩，Pippo同我講3個月我都嫌耐，你宜家仲話要半年喎！
半年喎，可能我已經頂唔順走o左lu！
佢下晝要返深圳，特登打電話返黎，叫我今朝同佢o既conversion唔好同其他同事講！
只佢諗咩o既，因為佢都未同Maria講，佢宜家只係口頭commit我o姐，若到時Maria唔肯，咁佢咪好無face！
lunch同Brenda去o左新太陽食千兩，尋日先開嫁咋，話時話，我都係第一次食，but我個人認為同genki差唔多，但o的o野就貴成倍囉！唔係有員工價我都未必會去食！
下晝媽咪打黎，話買好o野打邊爐，好o野，我致愛o既！
豬豬5點幾打俾我，話已經返到中港城，佢仲等到我6點半放工添！
真係好sweet 呀，因為今個星期佢只係今日同我一齊放工咋！
今日我有帶飯嫁，但Minda突然之間打黎，話伍生請去八月居道食喎，咁無理由唔去o姐！但佢o地懶神秘咁，因為唔係個個有份去！
八月居今日新開張，去食lunch當係撐o下場咁啦！
點知Peggy、Judy同Maria都係去o個度食喎，咁o岩食品組都有同事去o個度食，咁Maria話請晒我o地喎！
伍生當然唔制啦，佢話請我o地，就一定要請，Maria佢要請o既，請再搵日先請！佢係一個超級大男人！
今日伍生仲認我做第二個契女添，哈！因為Iris就走，佢驚我都走埋，咁梗係要俾o的著數我啦，哈！
我o地由12點9食到成2點9呀，好彩係伍生o係度咋，唔係實俾人鬧死呀！
今朝佢o地開會o個時，Maria當眾宣佈o左Iris要走！
但我覺得Iris有少少介意點解Maria一o的都無留過佢！
Iris今日都同我傾o左一陣計，佢俾o左好多advise我！
呢幾日你o地俾我o既advise，我會好好好認真咁諗o下嫁喇！
希望我o既前路好快見到光明啦！
