今日係倒數第390日，等我做o下小結先：
婚宴地點：已落訂確實
婚禮攝錄：已落訂確實
婚紗相 ：第一輯已影，12月底有相睇
第二輯已book 12月底影，11月底揀衫
第三輯未book，仲諗緊book唔book好
化妝 ：今個星期會落訂確實
會場佈置 ：已有心水，今年底會落訂確實
餅咭 ：西餅咭已辦妥，唐餅咭本星期內亦將會辦妥
紅酒 ：已有心水，明年中會落訂確實
小禮物 ：樣板已有，將會本年內辦妥
婚紗禮服 ：已訂造1件平腳婚紗
其他已有心水，今年底會落訂確實
結婚戒指 ：已有心水，但會再考慮，因為budget問題
數o下數o下，其實都仲有幾多o野未搞喎！
今年都唔係咁忙，我諗出年到o左呢個時候就會忙到暈o左lu！
今日豬豬韓國個vendor黎香港，佢要去"接客"！
佢約o左個客8點3 o係ymca酒店道等，咁即係話我都要一齊咁早出門口！
不時都已經陪佢返8點半嫁啦，今日仲早返到公司，有時真係諗唔明，明明我返9點半嫁o麻，點解要我日日8點半返到公司喎！
但呢種係一種樂趣，個個都話我傻，但我enjoy喎！
返到公司第一時間睇o下個power point有無問題，因為9點半要開會present！
個present都ok，今次無俾人問到口塞塞，唔知係咪因為Judy講呢？
臨放工時，Pippo同我講佢話同o左Maria講我想轉team，同埋講o左遲o的Maria 就會同我傾計，睇o下我係咪o岩轉team！
Pippo仲叫我諗定想轉去邊team，點解要轉team！佢咁講即係叫我做preperation o姐，咁咪即係好似interview咁？！
呢兩日真係要諗清楚自己想點！希望真係轉team成功啦！但Pippo都話呢o的快則1-2個月，遲則3個月先轉到！因為要搵人pick up我o的job！
其實Pippo真係一個幾好o既阿頭，佢起碼真係會同我去bargain我想要o既o野，仲有同我fight少o的work load！其實留o係呢team都ok o既，不過我唔想只係成日對住堆數字做analysis，做system development，我想見多o的真實o既product！
我知轉o左team會辛苦好多，但唔俾我試我又唔甘心，起碼出黎個result係見得到，唔係好似宜家咁只係無形！
放工諗住拍咭走時，見到Kellie喎！好開心佢仲認得我！佢上黎係因為要俾o野食品組o既同事！
今日本來想去影婚紗相間公司道試衫同揀衫，準備12月底去影第二輯婚紗相o既！
首先我放工就約好豬豬去太子地鐵站等，之後去金鳳食lunch！
好耐無食過金鳳喇，自從轉o左工(都成年幾lu！)都無食過，今日終於都有得食喇！好好味呀，尤其係o個o的蒜蓉！
食飽飽之後就去愛都，上到去有個肥女人，化行妝o既女人同上次expo個o靚仔o係道！
佢話我o地無booking，所以俾唔到我o地試衫！
之後就再同佢o地confirm 12月27-28去影相同11月18日4:00上去揀衫！
個肥女人仲想收我o地尾數，我o地今日咩都無做過喎，咁梗係唔俾啦，係都下次揀衫先俾啦，佢都傻o既！
見有時間就過埋金都行o左一陣，行到3樓，見到上次o係expo join個packag時sale我o地o既女仔，佢無o係o個度做lu，去o左做sale婚紗禮服！
原來佢有o左4個月喇，不過都無咩點肥，只係肥o係個 b 度！
我o地坐底傾o左一陣，佢仲講o左好多o野(叫我o地唔好加相，因為個package已經包o左好多相，咩衫都揀得，記得千其唔好俾個肥女人有位入sale到)，佢仲話o左其實廣東省即係o係邊度影添！個攝影師係邊個........
今次真係不枉此行，起碼佢過o左好多料俾我o地，等我o地唔好俾佢o地屈錢先丫！睇得出佢真係有心幫o的客！
其實搞結婚咁耐，中間都識o左唔少人，仲有唔少做o左朋友添，呢個係一個好o既經驗！
今朝Iris返到公司，就話要同我講o的o野！
唉.......佢要resign...........
我即時晴天霹靂，先有Chloe，再有Lydia病假，宜家又Iris，我都唔知點好！
咁樣我真係好想快o的轉去什購組呀！但Iris宜家又走，咁我咪即係走唔到？！
下晝同阿姐傾粵菜AOP o的o野，佢突然間問"Iris要走喎，咁點算呀！"
我即時都同佢講話我都想轉組啦！佢話其實o係我同佢講之前佢都有諗過掉我組，但因為搵唔到人頂我o的o野，所以未得住！
聽到佢咁講我都安落o的，起碼我都有希望丫o麻！
今日臨收工Pippo同我講"你o既訴求係聽到o既，我o地已經做緊o野，你俾o的時間我！"
我即時笑o左出黎，佢講o的o野咁似特首講o既！
希望我可以好快轉組啦！
今朝10點半去到現代經典揀相！
原來我o地total影o左380張，珠海有210張，澳門170張！澳門o個輯有o的驚喜，我仲驚佢影得唔好添！呢個感覺出黎會自然o的，唔似珠海咁standard！不過珠海o的都靚，因為個攝影師要求高！
經過第一輪之後，揀o左180張，但我o地都係覺得多得濟，所以要第二輪！
第二輪後有140張，再黎第三輪，最後埋單130張相！珠海80張，澳門50張！
咁之後就開始傾有咩package喇，咁o岩佢有個package係for 50張相！咁當然揀呢個啦，仲只係要RMB1680，比起每張40不入相簿抵好多！我o地仲加o左RMB800轉埋2本15” 同12” 相簿去一體成型！阿選様主任萍萍仲送o左15” 彩晶封面及底俾我o地！
最後我o地個package有：
1. 24” x 30” 油畫(upgrade做水晶面)
2. 20” x 30” 彩晶油畫
3. 18”一體成型相簿
4. 15”一體成型相簿 (送彩晶封面及封底)(主要係澳門相，可以放35張相)
5. 12”一體成型相簿
6. 9”一體成型相簿
7. 8” x 10” 台架2個
8. 立體水晶
9. 2R相8張
10.一個箱裝相簿
不過total 使o左成HKD10,600，不過我覺得都ok呀，因為之後影香港o個間就唔可以係咁加相嫁喇！o個度加一張都成HKD80呀！
我o地決定之後o個輯一張都唔加，唔知忍唔忍到呢？
揀完晒都成5點半lu，由10點半玩到5點半，成7個鐘呀！不過因為時間充足，所以都唔驚！
揀完晒就搭車去九洲港買船飛，點知7點半o個班得頭等，咁梗係唔搭啦，咪買8點半囉！仲好，仲有時間去食dinner！
今晚去o左間酒樓食，都ok抵呀，有5個餸，1支啤酒，2碗飯都係RMB120咋！
總結成個珠海現代經典Actual：
Package (80張相) RMB 5,880
VIP Upgrade RMB 1,000
漁人碼頭夜景 RMB 480
加相Package (50張相) RMB 2,480
眼睫毛+控油 RMB 280
Total RMB10,120 (HKD 10,600)
成個過程好滿意同好開心！今日係距離婚期o既第400日，亦都係我o地o係澳門影婚紗相o既日子！
今日可以訓晏少少，因為約好1點先開始化妝！
首先去o左湛廣雞飯店食lunch，又話o的雞好出名，我真係未食過o的咁鞋o既雞呀！食完12點半，就返酒店拎埋o的o野出發去現代經典lu！
化好妝就出車到灣仔口岸過關lu！咁樣過關都係第一次，好多人望，不過我一o的都無覺得唔好意思喎，仲有少少威o既感覺添！
有個鬼婆仲影我相添呀！
跟住過完關就有車車我o地去第一個景 – 主教山！今日個攝影師叫阿Sam，肥肥o地o既！可能我o地晏去到，所以主教山好少人，好快就可以拎到想要o既景！
影影o下有班大陸小朋友黎，係咁叫新娘子呀，好漂亮呀！o個一刻真係幾開心嫁！仲搞笑到問新娘子o既英文係咩！
影到5點倒啦，就返澳門漁人碼頭現代經典補妝同等天黑影夜景！
O個度有個職員話呢度唔可以影相喎，我o地都只不過係對住塊鏡影自己之o麻，況且珠海o個邊都無話唔俾影o既！超，漁人碼頭大o的呀！
到o左6點9，終於都天黑喇！開始影lu！呢個攝影師阿sam真係好憑感覺影，我真係好驚影得唔好嫁！
影到7點9，就影晒所有相lu，落埋妝就成8點，我o地要飛的過拱北關，因為要拎返張咭返珠海等聽日揀相！
嘩，拱北關o的人多到丫，我o地等o左成大半個鐘先過晒關呀！
之後再飛的去現代經典，去到都成9點3，好彩都仲有人，交底完之後就去打邊爐lu！
終於都有餐好味喇！之前兩日唔可以食咁熱氣，所以食o野都要就住，今晚終於都可以盡情食lu！
今日食到成12點呀！之後返酒店lu，因為聽日仲要一早去揀相！今日9 點半去到現代經典，去到就開始化妝！
呢兩日幫我化妝o既係李玲，佢化妝都ok嫁，對眼化得好靚！我好滿意！
搞掂晒換好晒衫，11點鐘就出車lu！今日個攝影師係阿富！
阿富係一個要求好高o既人，成日都話”老公，唔笑唔影呀！”、”係，笑開o的”，o的post爭1cm都唔會影住，到你跟足佢要求先會影！呢o的可能就係藝術家啦！
第一個景係園景！
影到1點倒啦，就上車返影樓lu！
跟住就換第二套衫，影室內景！今次有雪景同平實景！
影完第二套，就開始叫外賣。因為未有得食，所以就去換埋第三套衫，今次係雪景，仲要係好凍o個隻喎！哈！
影完第三套就有o野食lu！咁就梗係食埋先影第四套啦！
第四套有成4個佈景！今次係藍色o既晚裝！仲著得我好瘦添！
影完再換番第二套婚紗出沙灘外景，o個時都成4點幾lu！嘩！去到沙灘o個o的風大到丫，仲有少少涼添！今次有出動到我o地對麥兜公仔喇！
影完再返影樓影埋剩底o既兩套衫，呢個時候已經真係好tired喇！不過都要頂埋佢！
首先係第五套衫o既宮廷裝，不過呢個造型我唔係咁鐘意，好似唔係好襯我！不過都ok o既！
終於都到最後一套喇，係我最鐘意o既一套，粉紅色晚裝！呢個造型我好鐘意！配埋豬豬o既粉紅色禮服，成對周啟邦夫婦咁，咁當然我o地係型好多啦！
到o左8點，終於都影晒lu！不過呢個時候有o的頭痛，原來豬豬都係同我一樣，影相影到頭痛！
返酒店放底o的o野就過隔離食飯，今晚我o地食夫子炖湯，o的o野食麻麻啦，不過個湯就ok喎！
返到酒店都成10點，要訓覺覺lu，因為聽日仲有澳門要影！
今日搭9點半船，經澳門過珠海！
11點去到澳門過埋關，之後搭o左架叫AP1既巴士！嘩！架車快到丫，唔使3個字去到拱北關閳喇喎！
我o地唔夠11點半已經過埋拱北關，過澳門關時個關員仲望一望錶添，我諗佢都嚇o左一嚇！
跟住搭的士去中天酒店check in！check 完in之後就落o左去酒店間中菜度飲茶，不過都等o左成大半個鐘頭位呀！
O個度o的service一流，o的o野食一般啦，不過唔抵食，因為要加一呀！
之後就過現代經典開始去揀衫lu！
幫我o地揀衫o個個叫小黎，佢都ok好嫁，起碼我覺得佢useful囉！肯件件都拎出黎俾我試，仲主動叫我拎相機出黎影低試過o的衫添！
我試o左成14套衫，最後就揀o左三件婚紗(一件平腳，兩件拖尾)，兩件晚裝(一件藍色，一件粉紅色)
我o地就咁就玩o左成3個鐘頭lu！
試完衫就搵o野食lu！我o地今晚食o左名人海鮮酒家！不過都行o左成半個鐘先到呀！
今晚食海鮮，有：
1. 帶子2隻
2. 鮑魚仔4隻
3. 薑葱炒蟹
4. 佛跳牆
5. 菌王海貝煲
6. 海參雞粒豆腐煲
之後就返酒店休息lu，因為聽日要靚靚影相！
今日9點半起身，之後去o左對面五月花度飲茶食早餐！
跟住過澳門lu，我o地首先去o左買船飛，搭5點半船返香港！
買好船飛就去漁人碼頭喇！我o地去o左現代經典，不過唔知係咪未開晒呢，我覺得吉大店好o的！
再去巴比倫，我o地開頭有win嫁，不過最後都係………唉！
唔緊要，過兩個week再去過！
食完tea就去碼頭lu，我o地可以搭到5點班船，咁就6點返到香港喇！
返到香港去o左namco，我o地今日都有好多禮物呀！
今日搭7點半船，9點到中山，再搭1個鐘車到小欖，去o左小禮物廠，落訂起模！好開心就黎又搞掂一樣o野！
之後同vendor一齊食百草堂，就搭車去珠海！(都要成1個鐘嫁)
去珠海搵完酒店，就出發去現代經典！首先去o左風尚店先，個sale認得我o地，佢好好咁俾我試衫呀！原來我著橙色同綠色都ok嫁喎！
跟住架外景車黎，咁我o地就坐順風車去吉大店喇！
O個度o的衫多o的，宜家仲諗緊up唔upgrade去vip區o的衫！因為豬豬鐘意o既禮服o係vip區，我又覺得vip區o的衫靚o的喎，都係過多兩個week去先決定！
不過豬豬只係問o左一句，你要quality or quantity？咁我即刻識點揀啦！
玩完一大輪，夜晚去o左酒店附返食小小羊，原來即係小肥羊，我同豬豬食得好飽呀！
跟住去o左拱北商場行o左一陣，我買o左2對鞋，一對for結婚，一對for平時返工著！
之後同豬豬去o左打波，打o左兩局就走lu，咁當然佢o係讓我60度而我miss又唔扣度之下，佢都係win啦！
