朝早約好10點半，但周生佢o地未ready，咁我同豬豬就落o左去藝景園，諗住買上次見到o既首飾盒做抽獎用，但點知o個間無貨喎，所以無買到！之後因為肚餓，所以去食o左一碗淨雲吞同一碗米線，個雲吞好好味，兩樣加埋都只係RMB10咋！
因為要去買車飛到中山，咁就搭地鐵過天河城！但無過到中山，因為時間太趕喇！去要1個半鐘，又要再返深圳，所以最後都係決定唔去lu！
決定唔去之後就去車站買車飛，我o地買o左7:00 火車返深圳！
跟住去返天河城附近行o左一陣，我同豬豬去o左一間叫"益生館"道飲湯同食o左個魚頭煲，個魚頭煲好好味嫁！
8:00 返到深圳，去o左食中森名菜，無想像之中咁好味囉！
因為聽日要返工，所以就搭車返屋企lu！12:00返到屋企，就大覺訓喇！
朝早周生同Yuki都未起身，所以我同豬豬去o左鴻星飲茶，仲要係包場喎，真係威喇！
之後就開始行婚紗街lu！
首先去o左海珠廣州，o係愛琴海買o左好多o野！
1. 冷脿機
2. 冷脿膜
3. 雙面膠紙
4. 兩本相簿連喼
因為太重喇部冷脿機(我買o左用鐵做o個款)，所以我o地決定快遞落黎，咁又唔使拎喇，哈！
跟住開始睇婚紗，o係其中一間，我同豬豬都不約而同咁見到一件，咁豬豬就叫我去試喇！試完出黎豬豬都覺得靚！加上佢可以度身訂做添，咁就開始心動喇！
不過都要睇o下價錢o既，一開價$680，o係無講價之下佢都俾$600，因為我話佢知呢間係我第一間睇！咁我o地梗係無即時買啦，出到門口豬豬仲話呢個價真係好抵呀！我o地打算行晒所有先返去買！
中途買o左：
1. 豬豬影相用o既白鞋
2. 我影相用o既白色高踭鞋
3. 一個裙蓬
行完晒就返去度身lu，件婚紗仲可以加多10朵花添！間公司名叫洛弗蘭德！10月中有得拎lu！好期待呀！
買完晒o野就返酒店放低先再出去食dinner，今次去o左陶陶居！ 如果有得俾我揀，我下次唔會再去呢間囉，我o地四個都唔知點解呢間所謂老字號可以咁多人，o的人service差，o的o野食無特別囉！
食飽飽就去古法按摩lu，我o地由11點半玩到1點半呀！
之後返酒店訓覺lu！今日long week，1點準時放工，之後搭火車o係上水join埋周生同佢女朋友Yuki，就上深圳lu！
跟住搭3:05 火車上廣州，4:10 到達廣州，跟手就去廣州賓館check in！
由於大家都未食lunch，所以好求其咁食o左大家樂燒春雞！
終於都開始第1站行程 -- 上下九路！
夜晚食西關人家，食完之後返酒店hea一陣，就去花街90飲酒！
Yuki仲俾豬豬整醉o左添，今次周生就好啦！返到去可以拆禮物！
