睇婚介

今晚放工豬豬同o的同事打完牌，但都過o左黎尖沙咀同我睇o左一陣戒指。

 

去o左Cartier，但太貴喇！其實我唔使要名牌，所以都係放棄o左買Cartier！

之後去o左Ferti，好抵嫁，買男裝送女裝，但無咩款揀呢！所以都係放棄o左！

之後去埋Mabelle，o的款都係好大路，所以都係睇唔o岩。

其實仲有大排時間，話晒戴一世，點都要買對自己真係鐘意o既！

第一個Wedding Expo

今日係同豬豬決定結婚後行o既第一個婚紗展！

 

之前都有去睇過婚紗展，因為Loretta o個時仲o係展覽公司度做，所以費免入場！

 

今次行同上次個感覺好唔同，上次係漫無目的咁行，但今次就要去拎資料！

 

今日放工同豬豬就過去灣仔，開頭諗住去台灣影相，但見到有九寨溝，風景好靚，所以改變計劃去九寨溝影婚紗相喇！

 

咁當然我o地無即時落單啦，都係等下個expo先再作決定！

 

夜晚Jenniphine結婚，所以去o左尖沙咀聘珍樓飲，我仲講o左俾飛鳳同Simone知我出年結婚添。本來剩係叫飛鳳做姐妹，但Simone又o係度，無可奈何下叫埋佢做喇！

 

但因為人數未定，或者到時可能搵唔到Simone做姐妹！

 

今次o既小禮物係奇華餅，個盒印o左佢o地個名同結婚日期！

 

飲完返黃大仙海龍搵豬豬，佢同阿Vic打波喎！但阿Vic肥o左好多呀，我爭o的唔認得佢呀！